Actualidade Vigo, 16 de xuño de 2006 Contra a Reforma Laboral, concentracións da CIG en Vigo e Ferrol   CIG-Comunicación- cig.prensa@galizacig.com   Estas mobilizacións teñen como finalidade dar a coñecer a todos os traballadores/as –e a sociedade– este negativo pacto social, mediante unha campaña de sensibilización e de difusión da valoración que ten feito a Central sindical. En Vigo a asemblea fíxose no auditorio do Concello, e nela participaron uns 300 delegados e delegadas. A mesa estivo presidida polo secretario comarcal, Xerardo Abraldes, e a secretaria de organización, Placer Vila, que fixeron unha breve intervención sobre a reforma laboral. (Fotos: ©Fernando Pol 15/06/2006). Na cidade de Ferrol tamén se fixo previamente unha asemblea de delegados e delegadas, á que asistiron 150 persoas, no salón de actos do local da Central sindical. Nesta xuntanza falaron o secretario comarcal, Xesús Anxo López Pintos, e o secretario confederal de Formación Sindical e Comunicación, Manuel Mera. (Fotos: ©galizacig.com 15/06/2006).   O xoves 15 de xuño fixéronse concentracións de delegados e delegadas nas comarcas de Vigo e Ferrol, como parte dos actos contra a Reforma Laboral, que foi recentemente asinada polo Goberno central, patronal e sindicatos estatais (CCOO e UGT). Estas mobilizacións teñen como finalidade dar a coñecer a todos os traballadores/as –e a sociedade– este negativo pacto social, mediante unha campaña de sensibilización e de difusión da valoración que ten feito a Central sindical. Con este fin estanse repartindo miles de cartaces e panfletos. Esta primeira fase da campaña concluirá o vindeiro día 23 de xuño cunha manifestación nacional en Santiago de Compostela. Nas dúas cidades realizáronse primeiro senllas asembleas e posteriormente concentracións públicas fronte a organismos do Goberno central ou, en caso de non existir, da Xunta de Galiza, como no Ferrol. Trescentos asistentes en Vigo En Vigo a asemblea fíxose no auditorio do Concello, e nela participaron uns 300 delegados e delegadas. A mesa estivo presidida polo secretario comarcal, Xerardo Abraldes, e a secretaria de organización, Placer Vila, que fixeron unha breve intervención sobre a reforma laboral. Definiron este pacto como unha fórmula fracasada, que abarata o despido, subvenciona máis unha vez á patronal, e non entra na raíz das razóns que motivan as altas taxas de temporalidade. Por último, realizouse unha concentración, durante media hora, fronte á Delegación Provincial de Traballo, exhibindo unha pancarta que dicía “Non á Reforma Laboral”. Facendo logo entrega no rexistro de entrada da Delegación dun escrito dirixido ao ministro de Traballo no que se rexeita a Reforma. Cento cincuenta participantes no Ferrol Na cidade de Ferrol tamén se fixo previamente unha asemblea de delegados e delegadas, á que asistiron 150 persoas, no salón de actos do local da Central sindical. Nesta xuntanza falaron o secretario comarcal, Xesús Anxo López Pintos, e o secretario confederal de Formación Sindical e Comunicación, Manuel Mera. Ambos argumentaron sobre as consecuencias da nova reforma laboral, que rebaixa a indemnización por despido, non garante realmente a eliminación do encadeamento de contratos, aumenta as subvencións á patronal e rebaixa as cotizacións empresariais por desemprego e ao FOGASA. Analizaron que ademais esta reforma esta relacionada coa reforma fiscal feita fai uns meses, que se calcula fará perder ao Estado máis de nove mil millóns de euros, e a das pensións que se asinará dentro duns días e que será un novo recuar para os intereses da clase obreira. A concentración realizouse fronte ao edificio administrativo da Xunta na cidade departamental. Durante os 45 minutos que durou este último acto, coreáronse consignas contra a Reforma, as políticas laborais e sociais do Goberno central, e acusouse a CCOO e UGT de ser sindicatos do poder.

NON á Reforma Laboral   En Vigo, realizouse unha concentración, durante media hora, fronte á Delegación Provincial de Traballo, exhibindo unha pancarta que dicía “Non á Reforma Laboral”, facendo logo entrega no rexistro de entrada da Delegación dun escrito dirixido ao ministro de Traballo no que se rexeita a Reforma. (Fotos: ©Fernando Pol 15/06/2006).   En Ferrol, a concentración realizouse fronte ao edificio administrativo da Xunta na cidade departamental. Durante os 45 minutos que durou este acto, coreáronse consignas contra a Reforma, as políticas laborais e sociais do Goberno central, e acusouse a CCOO e UGT de ser sindicatos do poder. (Fotos: ©galizacig.com 15/06/2006).

Informacións relacionadas 14/06/2006 Unha nova reforma laboral que só favorece á patronal A CIG edita o documento “Non á nova contrarreforma laboral e social” 13/06/2006 Manifestación nacional para 23 de xuño, con saída ás 11:30 da Alameda compostelá Concentracións en A Coruña e A Mariña contra da Reforma Laboral 03/06/2006 Haberá mobilizacións en todas as comarcas e unha manifestación nacional a finais de xuño Concentracións en Compostela e Lugo contra a Reforma Laboral 01/06/2006 Balanzo do “Acordo para a Mellora do Crecemento e do Emprego” asinado por CCOO, UGT, CEOE e Goberno estatal Unha nova negociación de costas á clase traballadora 11/05/2006 Beneficia aos empresarios e non soluciona a precariedade laboral nin a temporalidade A CIG rexeita os contidos da Reforma Laboral pactada por CCOO, UGT, patronal e goberno

Confederación Intersindical Galega www.galizacig.com ÚLTIMA REVISIÓN: 16/06/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta