Actualidade Vigo, 22 de xuño de 2006 O próximo 1 de xullo entrará en vigor o RD para a súa aplicación Manifestación nacional en Compostela contra a Reforma Laboral o venres 23 de xuño, ás 11:30 horas   CIG-Comunicación- cig.prensa@galizacig.com   Imponse unha nova reforma laboral, pactada en secreto e á marxe dos directamente afectados, as traballadoras e traballadores, que terá graves repercusións para a clase traballadora galega. Repercusións das que a CIG xa viña advertindo antes da súa sinatura definitiva e que non solucionarán os problemas do mercado laboral, como non os solucionaron tampouco as reformas anteriores.   O venres 23 de xuño terá lugar en Compostela unha manifestación de delegados e delegadas da CIG contra a Reforma Laboral. Con esta convocatoria culminan os actos e mobilizacións organizados nas distintas comarcas de Galiza contra as medidas pactadas por CCOO, UGT, patronal e goberno, polas negativas repercusións que terán para a clase traballadora galega. A partir do próximo día 1 de xullo entrará en vigor o texto íntegro do “Real Decreto Lei para a mellora do crecemento e do emprego”, como eufemisticamente se deu en denominar á contrarreforma laboral pactada polos sindicatos españois CCOO e UGT coa patronal e o goberno do Estado. O RD foi xa publicado no BOE do pasado 14 de xuño e, polo momento só entrou en vigor, ao día seguinte da súa publicación o capítulo II, onde se regulan as modificacións que haberá que realizar na lexislación laboral en materias como contratación temporal, prestacións do Fondo de Garantía Salarial, subcontratacións de obras e servizos e cesión de traballadores. Deste xeito, imponse unha nova reforma laboral, pactada en secreto e á marxe dos directamente afectados, as traballadoras e traballadores, que terá graves repercusións para a clase traballadora galega. Repercusións das que a CIG xa viña advertindo antes da súa sinatura definitiva e que non solucionarán os problemas do mercado laboral, como non os solucionaron tampouco as reformas anteriores. Desde a sinatura do acordo até o de agora, a CIG, alén de manifestar publicamente a súa posición en contra desta reforma, organizou unha campaña que se desenvolveu durante o presente mes de xuño, con asembleas de traballadores, para explicar polo miúdo o alcance da reforma, coa distribución de trípticos explicativos e coa convocatoria de concentracións nas distintas comarcas. Campaña que culmina coa manifestación convocada en Compostela.

Informacións relacionadas 16/06/2006 Contra a Reforma Laboral, concentracións da CIG en Vigo e Ferrol 14/06/2006 Unha nova reforma laboral que só favorece á patronal A CIG edita o documento “Non á nova contrarreforma laboral e social” 13/06/2006 Manifestación nacional para 23 de xuño, con saída ás 11:30 da Alameda compostelá Concentracións en A Coruña e A Mariña contra da Reforma Laboral 03/06/2006 Haberá mobilizacións en todas as comarcas e unha manifestación nacional a finais de xuño Concentracións en Compostela e Lugo contra a Reforma Laboral 01/06/2006 Balanzo do “Acordo para a Mellora do Crecemento e do Emprego” asinado por CCOO, UGT, CEOE e Goberno estatal Unha nova negociación de costas á clase traballadora 11/05/2006 Beneficia aos empresarios e non soluciona a precariedade laboral nin a temporalidade A CIG rexeita os contidos da Reforma Laboral pactada por CCOO, UGT, patronal e goberno

Confederación Intersindical Galega www.galizacig.com ÚLTIMA REVISIÓN: 22/06/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta