ActualidadeVolver a Actualidade


Santiago, 29 de xullo de 2006

Critica que se centre o problema nos cartos ao empresario e non nos postos de traballo
CIG-Químicas cuestiona a indemnización de 325 millóns a Villar Mir polo peche da mina de Serrabal

 

CIG-Comunicación-

cig.prensa@galizacig.com


  Concentración Ramsa e Ferroatlántica, clic para aumentar
CIG-QE salienta que no estudo previo non se tiveron en conta os custos sociais derivados da perda de postos de traballo. (Foto: Os traballadores de Ramsa e Ferroatlántica concentráronse en San Caetano o 13 de xullo e apelaron á responsabilidade para preservar a plena viabilidade da explotación mineira de Serrabal. ©galizacig.com).
 
A Dirección Nacional da Federación de Químicas e Enerxía da CIG vén de facer pública unha nota na que cuestiona a indemnización ofrecida a Villar Mir polo peche da mina de Serrabal, afectada polas obras do AVE. Unha indemnización que ascende a 325 millóns de euros, cando o custo da obra nese tramo é de 125 millóns. Alén diso, salienta que no estudo previo non se tiveron en conta os custos sociais derivados da perda de postos de traballo.

Nota da Dirección Nacional da Federación de Químicas e Enerxía

Reunida en Compostela a Dirección Nacional da Federación de Químicas, Enerxía e Minería da CIG e analizada a problemática que se está dando na mina de Serrabal en canto ao trazado do AVE, que o Ministerio de Fomento leva o tren polo medio e medio da mina de Serrabal, propiedade de Villar Mir e que ao parecer a única noticia sobre o tema está a ser a indemnización que vai levar o Sr. Villar Mir. Esta Dirección Nacional quere recordar que na mina traballan directamente máis de 100 traballadores, xerando riqueza aos concellos de Vedra e Boqueixón, que non andan sobrados de postos de traballo e que o comercio da zona quedará seriamente afectado.

Esta Dirección Nacional opina que é moi importante ter en conta, á hora de redactar un proxecto deste tipo, as variábeis de impacto ambiental, afectación a núcleos habitados, tal e como nos consta que se tiveron en conta, pero faltou estudar as repercusións que xera a perda destes postos de traballo.

Esta mina está a producir, entre outros minerais, seixo de alta calidade (silicio solar) que está servindo para traballar en proxectos novos de I+D+i.

Ao igual que os traballadores e os Comités de Empresa, a esta Dirección Nacional da Federación de QE-CIG fáisenos difícil entender que se abonen indemnizacións de máis de 325 millóns de euros, cando o actual trazado fica orzamentado en 125 millóns. Cinco quilómetros de AVE van ter uns custos iguais que o AVE Ourense–Santiago.

Tamén hai industrias que dependen da mina sufrindo as consecuencias Ramsa e Ferroatlántica, situadas en Sabón e Cee que os seus cadros de persoal vanse ver afectados polo trazado de Fomento empeñado en non variar un trazado do AVE que a todas luces non é o axeitado. Unha pequena variación permitiría conxugar os intereses dos traballadores e traballadoras, das familias, das veciñas e veciños, de Galiza e aforraría diñeiro Fomento.

Solicitamos das administracións española e galega retomen o tema sabedores que co actual trazado perderanse centos de postos de traballo.


A Coruña, 28 de xullo de 2006.

Abelardo Landeira, secretario nacional de CIG-QE.

 
 
Informacións relacionadas
14/07/2006 Demandan un cambio de trazado do AVE para que se manteñan os postos de traballo
Os traballadores de Ramsa e Ferroatlántica en Sabón e Cee concéntranse en San Caetano
07/04/2006 Os traballadores de RAMSA preocupados polas informacións publicadas a respecto do trazado do AVE
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 29/07/2006
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta