ActualidadeVolver a Actualidade


Santiago, 20 de xullo de 2006

A CIG considera un descrédito para CCOO e UGT, que non se sumaron á folga
Comezou a folga nas minas de carbón cun
seguimento do 100%

 

CIG-Comunicación-

cig.prensa@galizacig.com


  Mina de lignito e central térmica de Endesa en As Pontes, clic para aumentar
A CIG non vai consentir que o Goberno central, Limeisa e Endesa pretendan acometer o peche das minas sen compensación algunha para o cadro de persoal das empresas auxiliares, para as comarcas afectadas e para Galiza, logo de terse aproveitado da espoliación dos recursos naturais galegos e da produción enerxética galega para o desenvolvemento económico do Estado español. (Foto: Vista da mina de lignito e da central térmica de Endesa en As Pontes).
 
Ás 23:00 horas do 19 de xullo comezaba a primeira xornada de folga dos traballadores das industrias auxiliares da minaría do carbón de Cerceda e As Pontes, cun seguimento do 100%, para exixir de Endesa e Limeisa compromisos claros e expresos e que asinen a proposta de acordo aprobada o pasado 11 de xullo na Mesa da industria auxiliar da minaría do carbón.

Nesta proposta de acordo defínense compromisos de incorporación e recolocacións dos traballadores da industria auxiliar da minaría do carbón galega diante do inminente remate e peche das minas de Cerceda e As Pontes. Un acordo que debería asinarse de contado dado o unánime seguimento da folga.

A CIG reclama que o peche das minas galegas do carbón dea alternativas e solucións aos traballadores e comarcas afectadas e que as empresas e o goberno español asuman as consecuencias sociais, laborais, económicas e medio ambientais diante do peche das minas.

Paulo Carril, secretario comarcal da CIG de A Coruña lamenta o papel de UGT e CCOO diante desta convocatoria de folga, ao non terse sumado á mesma. “Todo indica”, di Carril, “que non lles foi dabondo a deixadez feita dos intereses das minas galegas do carbón na negociación do Plano Miner II, asinado o pasado 28 de marzo en Madrid por CCOO, UGT, Ministerio de Industria e a patronal do Carbón, que esqueceu aos traballadores da industria do carbón de Galiza”.

O secretario comarcal da CIG de A Coruña engade ademais que “o éxito desta folga representa un descrédito sen precedentes para CCOO e UGT, que logo de ter negado os dereitos dos traballadores galegos das auxiliares a un futuro de recolocacións e de incorporacións e logo de facer o que fixeron para evitar esta folga os traballadores foron quen de pasar por riba desas centrais sindicais”.

A CIG non vai consentir que o Goberno central, Limeisa e Endesa pretendan acometer o peche das minas sen compensación algunha para o cadro de persoal das empresas auxiliares, para as comarcas afectadas e para Galiza, logo de terse aproveitado da espoliación dos recursos naturais galegos e da produción enerxética galega para o desenvolvemento económico do Estado español.

 
 
Informacións relacionadas
14/07/2006 Hai un compromiso de acordo sen ratificar pola ausencia de Endesa na xuntanza e a mobilización se mantén
A CIG fai un chamamento a CCOO e UGT para que secunden a folga nas minas de Cerceda e As Pontes
12/07/2006 Desde as 23:00 horas do 19 de xullo até as 24:00 horas día 20, e desde as 23:00 horas do 25 de xullo ás 24:00 horas do 27
Anúnciase convocatoria de folga nas minas galegas do Carbón, Limeisa e Endesa e Auxiliares
16/05/2006 O BNG demanda no Parlamento de Galiza medidas para os traballadores das auxiliares do carbón
08/05/2006 Galiza discriminada no Plan do Carbón asinado por CCOO e UGT
10/03/2006 Só recibirá 135 dos 195 millóns que lle corresponderían tendo perdido xa 140 no período 1998-2005
A CIG considera que o reparto dos fondos do Plan do Carbón 2006-2012 discriminan a Galiza
26/01/2006 No período 1998-2005 tan só recibiu 64 dos 200 millóns que lle correspondían
Galiza discriminada no reparto de fondos mineiros
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 20/07/2006
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta