|
Actualidade CIG-Comunicación-
Música tradicional galega, un charlatán de feira parodiando a política comercial da Caixa ofrecendo motos, teles ou traballadores/as a prezo de saldo. Tamén instalaron unha moto con carteis de “se vende” co teléfono da centraliña da Caixa e o nome do director comercial. Ao longo dos últimos meses o persoal desta Caixa de Aforros está sendo obrigado e presionado para vender produtos non financeiros (motos, teles, etc), incluso fóra da xornada laboral en postos instalados en grandes centros comerciais, de aí o senso da parodia. O novo modelo de organización do traballo está sendo imposto pola empresa ao abeiro do Convenio Colectivo de Aforro para os anos 2003-2006. Neste acordo, os sindicatos estatais consentiron que fora introducida a mobilidade funcional sen ningún tipo de limitacións e sen que as empresas admitan negociar un catálogo de postos. No mesmo convenio asinado por CCOO, UGT e CSICA, creouse un só grupo profesional que agrupa a todo o persoal de operacións financeiras. Este marco é superior ao existente na Banca Privada e está sendo utilizado polas empresas para implantar agresivas políticas laborais e comerciais. O artigo 17 do Convenio Colectivo recolle que o persoal poderá ser adscrito, incluso de xeito simultáneo, á realización de calquera función financeira, e está sendo aplicado ao pé da letra pola Dirección da empresa, asignando ao persoal varios traballos que deben ser realizados ao mesmo tempo. Así, o persoal que atende operacións en Caixa está sendo obrigado a realizar funcións comerciais ao mesmo tempo. Se a esta situación unimos a falta de persoal nas oficinas e as colas de clientes, a carga de traballo acada límites insoportábeis traducíndose no incumprimento da xornada pactada. Na procura dos 300 millóns de euros de beneficios previstos para este ano, a empresa está implantando unha agresiva política de presión sobre o persoal apoderado que semella non ter límites. Dentro desa nova política os ceses e traslados de apoderados/as con máis de 50 anos de idade están sendo habituais, e en todos os casos a empresa alega que non dan o perfil requirido, malia ter demostrado a súa profesionalidade ao longo da súa traxectoria como empregados/as. A CIG denuncia que estes ceses e traslados por razóns de idade son discriminatorios, lembrando ao mesmo tempo que a idade dos altos directivos da empresa supera amplamente este límite e semella que eles si dan o perfil. |
||||||||||||
Informacións relacionadas
|
||||||||||||
|
||||||||||||
|
ÚLTIMA REVISIÓN: 09/07/2006 |
||||||||||||
|
