Actualidade Santiago, 27 de xullo de 2006 Novas xornadas de folga na minaría do carbón de Cerceda e As Pontes   CIG-Comunicación- cig.prensa@galizacig.com   Paulo Carril: “Non lles abondou con se enriquecer cos millonarios beneficios da explotación dos recursos mineiros galegos, con apropiarse dos beneficios da produción enerxética das Centrais Térmicas, senón que agora negan o futuro dos traballadores das auxiliares do carbón galegos”. (Foto: Paulo Carril é entrevistado polos medios. ©Fernando Pol).   A CIG convocou para os días 26 e 27 de xullo dúas novas xornadas de folga pola negativa de Endesa e Limeisa a asinar a Proposta de Acordo para as Mesas da industria auxiliar do carbón afectadas polo remate da actividade extractiva nas minas galegas de Cerceda e As Pontes. Paulo Carril, secretario comarcal da CIG de A Coruña denuncia o grave silencio e irresponsábel comportamento destas empresas, que ao seu entender, queda constatada pola nula vontade de asumir os compromisos necesarios para afrontar as consecuencias sociais, económicas e medioambientais nestas comarcas e en Galiza. “Non lles abondou con se enriquecer cos millonarios beneficios da explotación dos recursos mineiros galegos, con apropiarse dos beneficios da produción enerxética das Centrais Térmicas, senón que agora negan o futuro dos traballadores das auxiliares do carbón galegos”, afirma. Carril cuestiónase por que Endesa e Limeisa gardan silencio, que compromisos reais, concretos e palpábeis van asumir estas empresas cos traballadores das auxiliares e cal é a razón de non asinar esta Proposta de Acordo das Mesas auxiliares. A CIG lamenta ademais o papel de UGT e CCOO, por terse esquecido dos traballadores das auxiliares cando negociaron e asinaron o Plano Miner II, prometeron, hai 9 meses as incorporacións-prexubilacións e as recolocacións en Endesa e Limeisa, pero agora calan e néganse a asinar a Proposta de Acordo mentres que os traballadores das auxiliares seguen sen solución de incorporacións á empresa princial, as prexubilacións e as recolocacións. O secretario comarcal da CIG de A Coruña manifesta ademais as súas dúbidas a respecto das razóns polas que manteñen esta postura e non a da mobilización para acadar este compromiso con Endesa e con Limeisa e, sobre todo, polas razóns polas que non aproveitan para corrixir o que non negociaron para os traballadores galegos no Plano Miner II e si para os traballadores das auxliares das minas de carbón do Estado español.

Informacións relacionadas 20/07/2006 A CIG considera un descrédito para CCOO e UGT, que non se sumaron á folga Comezou a folga nas minas de carbón cun seguimento do 100% 14/07/2006 Hai un compromiso de acordo sen ratificar pola ausencia de Endesa na xuntanza e a mobilización se mantén A CIG fai un chamamento a CCOO e UGT para que secunden a folga nas minas de Cerceda e As Pontes 12/07/2006 Desde as 23:00 horas do 19 de xullo até as 24:00 horas día 20, e desde as 23:00 horas do 25 de xullo ás 24:00 horas do 27 Anúnciase convocatoria de folga nas minas galegas do Carbón, Limeisa e Endesa e Auxiliares 16/05/2006 O BNG demanda no Parlamento de Galiza medidas para os traballadores das auxiliares do carbón 08/05/2006 Galiza discriminada no Plan do Carbón asinado por CCOO e UGT 10/03/2006 Só recibirá 135 dos 195 millóns que lle corresponderían tendo perdido xa 140 no período 1998-2005 A CIG considera que o reparto dos fondos do Plan do Carbón 2006-2012 discriminan a Galiza 26/01/2006 No período 1998-2005 tan só recibiu 64 dos 200 millóns que lle correspondían Galiza discriminada no reparto de fondos mineiros

Confederación Intersindical Galega www.galizacig.com ÚLTIMA REVISIÓN: 27/07/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta