ActualidadeVolver a Actualidade


Santiago, 18 de agosto de 2006

CIG-Metal manifesta a súa oposición ao trazado do TAV ao seu paso por Vedra e Boqueixón
 

CIG-Comunicación-

cig.prensa@galizacig.com


  Concentración Ramsa e Ferroatlántica, clic para aumentar
Mobilización dos traballadores de Ramsa e Ferroatlántica en demanda dun cambio de trazado do TAV para que a mina do Serrabal non se vexa afectada e se evite a perda de 600 postos de traballo directos na mina e nas industrias dependentes. (Foto: ©galizacig.com 04/08/2006).
 
A Executiva Federal de CIG Metal vén de amosar a súa disconformidade co trazado do Tren de Alta velocidade (TAV) ao seu paso polos concellos de Vedra e Boqueixón, polas consecuencias que dito trazado vai ter sobre a Mina de Serrabal.

CIG-Metal considera que a mina de Serrabal constitúe unha empresa de grande importancia e riqueza para o noso país, xa que dela se extraen minerais de altísima calidade (silicio solar), que están a servir para desenvolver proxectos pioneiros en canto a I+D+i.

CIG-Metal contempla a opción da aprobación dunha variante sobre o actual trazado do tren de alta velocidade que leve consigo a plena viabilidade da explotación mineira como garantía dos máis de 600 postos de traballo.

Alén diso, a Executiva da Federación afirma que defender os postos de traballo e o futuro da empresa para nada ten que ser incompatíbel co trazado do TAV, xa que doutra maneira poríase en risco a viabilidade de toda unha comarca que depende dos postos de traballo da Mina de Serrabal.

 
 
Informacións relacionadas
09/08/2006 Para garantir a viabilidade da explotación mineira e o mantemento da totalidade dos postos de traballo
Os traballadores da mina de Serrabal seguen a mobilizarse por unha modificación do trazado do TAV
29/07/2006 Critica que se centre o problema nos cartos ao empresario e non nos postos de traballo
CIG-Químicas cuestiona a indemnización de 325 millóns a Villar Mir polo peche da mina de Serrabal
14/07/2006 Demandan un cambio de trazado do AVE para que se manteñan os postos de traballo
Os traballadores de Ramsa e Ferroatlántica en Sabón e Cee concéntranse en San Caetano
07/04/2006 Os traballadores de RAMSA preocupados polas informacións publicadas a respecto do trazado do AVE
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 18/08/2006
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta