ActualidadeVolver a Actualidade


Santiago, 9 de agosto de 2006

Para garantir a viabilidade da explotación mineira e o mantemento da totalidade dos postos de traballo
Os traballadores da mina de Serrabal seguen a mobilizarse por unha modificación do trazado do TAV
 

CIG-Comunicación-

cig.prensa@galizacig.com


  Concentración Ramsa e Ferroatlántica, clic para aumentar
Concentración Ramsa e Ferroatlántica, clic para aumentar
O Comité de Empresa de Ramsa e os Comités de Empresa de Ferroatlántica en Sabón e Cee manteñen as mobilizacións en demanda dun cambio de trazado do TAV para que a mina do Serrabal non se vexa afectada e se evite a consecuente perda de postos de traballo, arredor de 600 directos, tanto na mina como nas industrias dependentes. (Fotos: ©galizacig.com 04/08/2006).
Concentración Ramsa e Ferroatlántica, clic para aumentar
 
Os traballadores de Ramsa e Ferroatlántica concentráronse o pasado venres 4 de agosto na Praza de Ourense, en A Coruña, para demandar do Goberno central, nomeadamente do Ministerio de Fomento, a aprobación dunha variante sobre o actual trazado do Tren de Alta Velocidade (TAV) ao seu paso polos concellos de Vedra e Boqueixón, para garantir a viabilidade da explotación mineira e o mantemento da totalidade dos postos de traballo.

O Comité de Empresa de Ramsa e os Comités de Empresa de Ferroatlántica en Sabón e Cee manteñen as mobilizacións en demanda dun cambio de trazado do TAV para que a mina do Serrabal non se vexa afectada e se evite a consecuente perda de postos de traballo, arredor de 600 directos, tanto na mina como nas industrias dependentes.

No decurso da concentración Anxo Noceda, secretario comarcal da CIG de Compostela, salientou a importancia da mina, que ten unha produción media de entre 300.000 e 400.000 toneladas, e cuestionou a versión do Ministerio de Fomento segundo a que se mantería a actividade na mesma. “Se non prexudicase á mina non tería sentido falar de indemnizacións”, explicou.

De feito, desde o Ministerio anunciouse que se pagaría á empresa concesionaria da explotación da mina unha indemnización. A este respecto, desde os comités de empresa de Ramsa e Ferroatlántica aseguran que “de nada nos serve nin aos traballadores nin ao país que a indemnización pola posíbel expropiación de terreos da mina sexa maior o menor”.

En todo caso matizan que “somos conscientes de que preservar a plena viabilidade desta explotación mineira, e polo tanto dos postos de traballo, para nada ten que se contradicir co desenvolvemento en tempo e forma das infraestruturas ferroviarias no noso país, nin cos intereses dos veciños das zonas afectadas”.

Os traballadores tampouco consideran a alternativa de supostas novas ampliacións mineiras (concesión Serrabal II), xa que polos datos publicados no DOG o volume das reservas estimadas desas ampliacións esgotaríanse en menos de 6 meses. “É claro que con este tipo de propostas simplemente se pretende vender fume” afirman porque consideran que “en nada contribúen á viabilidade da mina”.

Os Comités de Empresa demandan da Administración do Estado, da Administración autonómica e da empresa que se priorice a defensa dos postos de traballo e que se poñan todos os medios posíbeis “para que se leve a cabo unha alternativa” que conxugue o imprescindíbel mantemento dos postos de traballo co necesario desenvolvemento das infraestruturas viarias.

 
 
Informacións relacionadas
29/07/2006 Critica que se centre o problema nos cartos ao empresario e non nos postos de traballo
CIG-Químicas cuestiona a indemnización de 325 millóns a Villar Mir polo peche da mina de Serrabal
14/07/2006 Demandan un cambio de trazado do AVE para que se manteñan os postos de traballo
Os traballadores de Ramsa e Ferroatlántica en Sabón e Cee concéntranse en San Caetano
07/04/2006 Os traballadores de RAMSA preocupados polas informacións publicadas a respecto do trazado do AVE
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 09/08/2006
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta