Actualidade Santiago, 30 de setembro de 2006 Demandan solucións para os 220 despedimentos que provocará o peche da mina Apoio masivo dos Comités de Empresa das auxiliares á manifestación convocada para o sábado en Ordes   CIG-Comunicación- cig.prensa@galizacig.com   Coa manifestación se exixe a incorporación a Limeisa dos traballadores/as das Empresas Auxiliares, que poidan acceder á prexubilación do Plano Miner II e un Plano de Recolocacións para o resto do persoal dentro do Grupo Fenosa e dentro dun Plano de Emprego e Reindustrialización da zona. (Foto: Torre de refrixeración da Central térmica de Meirama).   Comités de Empresa das Auxiliares de Meirama, Sogama e Endesa veñen de manifestar, xunto coas organizacións políticas do BNG e PSOE de Cerceda e Ordes e dos seus alcaldes, o seu apoio á manifestación convocada para o sábado día 30 de setembro en Ordes, para demandar de Limeisa e Fenosa unha solución á perda de 220 postos de traballo das empresas auxiliares da mina de lignito pardo de Meirama. Con esta convocatoria de manifestación tamén se exixe a incorporación a Limeisa destes traballadores/as das Empresas Auxiliares, que poidan acceder á prexubilación do Plano Miner II e un Plano de Recolocacións para o resto do persoal dentro do Grupo Fenosa e dentro dun Plano de Emprego e Reindustrialización da zona. A esta mobilización teñen manifestado o seu apoio e adhesión o BNG e o PSOE de Cerceda e Ordes e os propios alcaldes. Ademais, os Comités de Empresa de Unión Fenosa da central Térmica de Meirama, Unión Fenosa Distribución, Viriato, Masa Galicia da Central Térmica de Meirama, GESUGA, Celtibox e a sección sindical da CIG do concello de Cerceda. Xunto a estes, tamén manifestaron o seu apoio e adhesión todas as empresas auxiliares do Complexo SOGAMA: Soluziona, Nervión, Danigal, Masa-Galicia, Servisecuritas, Servilimpsa, Serlimat, UTE UFON&OM-Sogama, ERA e AMASA. A sección sindical da CIG en Endesa e os Comités de Empresa das auxiliares de Endesa- As Pontes SENAX, RODABELL, RIPADOS RODABELL, RODABELL MAQUINARIA, EINSA, MASA GALICIA, AS PONTES, fixeron chegar tamén o seu apoio ao igual que os Comité de Empresa de Arteixo Telecom de As Pontes. Paulo Carril, secretario comarcal da CIG de A Coruña e representante da CIG na Mesa da Industria Auxiliar do Carbón de Cerceda sinala que “estas reivindicacións fanse desde a xustiza e razón das posibilidades que Fenosa debe asumir neste asunto. Fenosa e o Goberno Central aproveitáronse da expoliación desta e con grandes beneficios para Fenosa”.

Informacións relacionadas 26/09/2006 Os traballadores ratificaron en asemblea a convocatoria de manifestación para o día 30 en Ordes Limeisa mantén o desinterese polos 220 despedimentos que provocará o peche da mina de Cerceda 20/09/2006 Convocan unha manifestación en Ordes o sábado 30 de setembro Os traballadores das auxiliares de Meirama exixen que se efectivicen as prexubilacións e recolocacións 27/07/2006 Novas xornadas de folga na minaría do carbón de Cerceda e As Pontes 20/07/2006 A CIG considera un descrédito para CCOO e UGT, que non se sumaron á folga Comezou a folga nas minas de carbón cun seguimento do 100% 14/07/2006 Hai un compromiso de acordo sen ratificar pola ausencia de Endesa na xuntanza e a mobilización se mantén A CIG fai un chamamento a CCOO e UGT para que secunden a folga nas minas de Cerceda e As Pontes 12/07/2006 Desde as 23:00 horas do 19 de xullo até as 24:00 horas día 20, e desde as 23:00 horas do 25 de xullo ás 24:00 horas do 27 Anúnciase convocatoria de folga nas minas galegas do Carbón, Limeisa e Endesa e Auxiliares 16/05/2006 O BNG demanda no Parlamento de Galiza medidas para os traballadores das auxiliares do carbón 08/05/2006 Galiza discriminada no Plan do Carbón asinado por CCOO e UGT 10/03/2006 Só recibirá 135 dos 195 millóns que lle corresponderían tendo perdido xa 140 no período 1998-2005 A CIG considera que o reparto dos fondos do Plan do Carbón 2006-2012 discriminan a Galiza 26/01/2006 No período 1998-2005 tan só recibiu 64 dos 200 millóns que lle correspondían Galiza discriminada no reparto de fondos mineiros

Confederación Intersindical Galega www.galizacig.com ÚLTIMA REVISIÓN: 30/09/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta