Actualidade Vigo, 28 de setembro de 2006 Ante o deterioro do clima laboral Convocadas Asembleas de traballadores e traballadoras en Caixa Galicia   CIG-Comunicación- cig.prensa@galizacig.com   Nos meses de xuño e xullo Caixa Galicia foi o escenario de mobilizacións dos delegados e delegadas da CIG para protestar pola presión, a persecución e o acoso ao que estaba sometido o cadro de persoal. A presión, lonxe de amainar, medrou ao longo do último mes, o que obrigou á CIG a dar un paso máis no conflito aberto nesta empresa. (Foto: “Traballo digno; non á persecución, á presión e ao acoso”, mobilización diante da Oficina Principal de Caixa Galicia en Vigo o 6 de xullo de 2006. ©galizacig.com).   Ante o deterioro do clima laboral en Caixa Galicia, debido ás agresivas políticas laborais e comerciais implantadas unilateralmente pola Dirección, a Sección Sindical da CIG vén de convocar Asembleas de Traballadores e Traballadoras nas catro provincias galegas. Nos meses de xuño e xullo Caixa Galicia foi o escenario de mobilizacións dos delegados e delegadas da CIG para protestar pola presión, a persecución e o acoso ao que estaba sometido o cadro de persoal. A presión, lonxe de amainar, medrou ao longo do último mes, o que obrigou á CIG a dar un paso máis no conflito aberto nesta empresa. A CIG considera necesario dar voz a todo o persoal da Caixa para avaliar a situación e decidir colectivamente os pasos a dar, polo que ten convocado Asembleas por todo o país. Día a día a Dirección implanta novas medidas destinadas a incrementar a carga de traballo presionando tamén ao persoal para que estenda ilegalmente a xornada laboral como acontece na Banca privada. Abusos e enganos ao persoal temporal; ceses e traslados do persoal fixo; apertura de oficinas fóra da xornada pactada; correos, chamadas e reunións nas que o persoal é insultado e menosprezado polos seus xefes directos, son algunhas das medidas postas en marcha pola empresa. Todas estas medidas teñen como fin incrementar os beneficios empresarias ata os 300 millóns de euros. Pendente de confirmar os locais e os horarios, inicialmente están previstas as seguintes Asembleas de traballadores e traballadoras: 10 outubro Vigo 11 outubro Pontevedra 16 outubro Lugo 17 outubro Ourense 18 outubro Santiago 24 outubro Ferrol 25 outubro A Coruña A CIG proporalle ao persoal un paquete de medidas e accións a desenvolver, coa finalidade de frear a deriva laboral e social da maior Caixa de Aforros galega.

Informacións relacionadas 20/09/2006 Pagar para traballar: Caixa Galicia estafa ao persoal temporal 09/07/2006 Nova mobilización da CIG en Caixa Galicia contra a presión 17/06/2006 Continúa a campaña contra a presión laboral en Caixa Galicia con concentracións e manifestación en Lugo 09/06/2006 Contra a presión laboral da Dirección aos traballadores/as e a reclasificación dos administrativos en comerciais A Sección Sindical da CIG en Caixa Galicia inicia un proceso de mobilizacións

Confederación Intersindical Galega www.galizacig.com ÚLTIMA REVISIÓN: 28/09/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta