ActualidadeVolver a Actualidade


Santiago, 26 de setembro de 2006

Os traballadores ratificaron en asemblea a convocatoria de manifestación para o día 30 en Ordes
Limeisa mantén o desinterese polos 220 despedimentos que provocará o peche da mina de Cerceda

 

CIG-Comunicación-

cig.prensa@galizacig.com


  Central térmica de Meirama e mina Cerceda, clic para aumentar
A CIG denuncia que Limeisa demostrou o seu nulo interese por dar solución aos 220 despedimentos que o peche da mina de Cerceda provocará. (Foto: Central térmica de Meirama e mina de Limeisa ao fondo).
 
O pasado venres 22 de setembro celebrábase unha reunión da Mesa da Industria Auxiliar da Minaría de Carbón de Galiza, constituída no mes de marzo. A CIG denuncia que na xuntanza Limeisa demostrou o seu nulo interese por dar solución aos 220 despedimentos que o peche da mina provocará.

“Asistimos a unha nova demostración da nula vontade de Limeisa de dar solución aos 220 despedimentos que o peche da mina vai ir causando até o 31 de decembro de 2007. Ademais, Limeisa volveuse negar a asinar o Acordo que o pasado mes de xullo subscribiramos a CIG, UGT, CCOO, concellos e a Dirección Xeral de Industria”, explica Paulo Carril, secretario comarcal da CIG de A Coruña e representante na Mesa Auxiliar do Carbón.

Carril sinala que Limeisa e Fenosa seguen sen asumir nin un só dos compromisos de incorporación dos traballadores das auxiliares para que poidan acceder a unha prexubilación, nin asumen un só compromiso para promover recolocacións de traballadores no grupo Fenosa.

O representante da CIG na Mesa cualifica de “retóricas e simples declaracións de intencións, sen máis compromisos serios, materializábeis de cara aos cadros de persoal das auxiliares” e engade que “para a CIG é inaceptábel, facéndose máis xustificada que nunca a manifestación que temos convocada para o próximo sábado 30 de setembro en Ordes”.

Neste sentido, na asemblea que a CIG mantivo cos traballadores da industria auxiliar, o pasado sábado 23 de setembro, ademais de informar da mencionada xuntanza, os traballadores ratificaron o apoio á convocatoria de manifestación convocada pola CIG.

A unha semana desta manifestación, xa se teñen recibido importantes apoios, nomeadamente dos alcaldes de Ordes e Cerceda, dos Comités de Empresa de Cerceda e Ordes, das industrias auxiliares da mina de As Pontes, do BNG e do PSOE de Ordes e Cerceda, entre outros.

 
 
Informacións relacionadas
20/09/2006 Convocan unha manifestación en Ordes o sábado 30 de setembro
Os traballadores das auxiliares de Meirama exixen que se efectivicen as prexubilacións e recolocacións
27/07/2006 Novas xornadas de folga na minaría do carbón de Cerceda e As Pontes
20/07/2006 A CIG considera un descrédito para CCOO e UGT, que non se sumaron á folga
Comezou a folga nas minas de carbón cun seguimento do 100%
14/07/2006 Hai un compromiso de acordo sen ratificar pola ausencia de Endesa na xuntanza e a mobilización se mantén
A CIG fai un chamamento a CCOO e UGT para que secunden a folga nas minas de Cerceda e As Pontes
12/07/2006 Desde as 23:00 horas do 19 de xullo até as 24:00 horas día 20, e desde as 23:00 horas do 25 de xullo ás 24:00 horas do 27
Anúnciase convocatoria de folga nas minas galegas do Carbón, Limeisa e Endesa e Auxiliares
16/05/2006 O BNG demanda no Parlamento de Galiza medidas para os traballadores das auxiliares do carbón
08/05/2006 Galiza discriminada no Plan do Carbón asinado por CCOO e UGT
10/03/2006 Só recibirá 135 dos 195 millóns que lle corresponderían tendo perdido xa 140 no período 1998-2005
A CIG considera que o reparto dos fondos do Plan do Carbón 2006-2012 discriminan a Galiza
26/01/2006 No período 1998-2005 tan só recibiu 64 dos 200 millóns que lle correspondían
Galiza discriminada no reparto de fondos mineiros
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 26/09/2006
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta