ActualidadeVolver a Actualidade


Santiago, 26 de outubro de 2006

A CIG arroupou en todo o proceso ao sindicalista de Ourense
Nova actitude elitista e clasista da Fiscalía contra o dereito de folga na revisión do xúizo a Carlos Vázquez

 

CIG-Comunicación-

cig.prensa@galizacig.com


  Xuízo apelación Carlos Vázquez, clic para aumentar
Carlos Vázquez incidiu no comportamento que a Fiscalía volveu ter neste caso, "que é un comportamento contra a clase obreira e que durante o xuízo todos puidemos escoitar como se ensañou contra o dereito á folga". Para o compañeiro da CIG de Ourense "este tipo de actitudes deixa claro o seu odio cara a clase obreira, e é que xa nos gustaría que actuaran nos mesmos termos cando hai accidentes laborais ou outro tipo de atropelos gravísimos contra os dereitos dos traballadores".
Xuízo apelación Carlos Vázquez, clic para aumentar
Carlos Vázquez quixo agradecer o apoio recibido por todos os compañeiros da CIG, xa que sinalou sentirse arroupado, "sendo isto unha mostra de unidade e camaraderia moi importante".
Xuízo apelación Carlos Vázquez, clic para aumentar
O secretario confederal da CIG, Suso Seixo, acudía ao Pazo de Xustiza de Ourense para amosar o seu apoio incondicional ao compañeiro Carlos Vázquez. (Fotos: ©galizacig.com 25/10/2006).
 
Este martes 25 de outubro tiña lugar a vista dos recursos de apelación presentados pola Fiscalía e polo propio Carlos Vázquez contra a sentenza do Xulgado do Penal nº 2 pola súa participación nun piquete durante a Folga Xeral de xuño de 2002. Antes de que tivera lugar esta revisión da causa houbo unha concentración diante do Pazo de Xustiza onde compañeiros e compañeiras da CIG anmosaron a súa solidariedade e apoio ao dereito de folga.

A concentración deu paso á vista que tivo lugar perto das dez e media. Antes o secretario confederal da CIG, Suso Seixo, acudía ao Pazo de Xustiza de Ourense para amosar o seu apoio incondicional ao compañeiro Carlos Vázquez. Suso Seixo manifestou que "non é a mesma vara de medir a que se utiliza cando se atenta realmente contra os dereito dos traballadores por parte dos empresarios". Seixo sinalaba así que "existe moito rigor á hora de aplicar o Código Penal para perseguir aos líderes sindicais e non así á patronal". Así, denunciou o papel da Fiscalía en todo este proceso que cualificou de "elitista", xa que despois de que Carlos Vázquez fora absolto de atentar contra o dereito dos traballadores, a Fiscalía apelou reclamando tres anos e un mes de prisión para este sindicalista. Asemesmo, a empresa reclama 7.000 euros pola porta que caeu durante o piquete, case que nunha tentativa de tirar beneficio de todo este conflito.

Nesta revisión do xuízo de novo Carlos Vázquez, integrante da Executiva Comarcal da CIG de Ourense, relataba o que acontecera no piquete da folga xeral do 20 de xuño de 2002. Aquel día, tras percorrer diferentes lugares, o piquete dirixiuse ao centro comercial Pontevella. Alí foron ao establecemento de "Pidolti", onde continuaba a actividade. O piquete permaneceu no exterior e co tumulto a porta viuse abaixo.

A continuación dúas persoas, un deles encargado da empresa Pidolti, declararon que fora Carlos Vázquez o autor dos feitos, mesmo entrando en incoerencias con anteriores declaracións destas mesmas testemuñas. E máis contradictorias en relación ás declaracións dos empregados de Pidolti foron as declaracións dun policia autonómico e outro nacional que afirmaron que non existira intencionalidade por parte dos folguistas de derribar a porta. Mesmo o policía autonómico sinalou que el estaba ao carón da porta e que se viran empurrados polo tunulto, pero que non identificaban a Carlos Vázquez como responsábel dos feitos.

A saída desta vista falamos con Carlos Vázquez para que avaliara o que foi esta revisión da súa causa. Así Carlos Vázquez incidiu no comportamento que a Fiscalía volveu ter neste caso, "que é un comportamento contra a clase obreira e que durante o xuízo todos puidemos escoitar como se ensañou contra o dereito á folga". Para o compañeiro da CIG de Ourense "este tipo de actitudes deixa claro o seu odio cara a clase obreira, e é que xa nos gustaría que actuaran nos mesmos termos cando hai accidentes laborais ou outro tipo de atropelos gravísimos contra os dereitos dos traballadores". Por último, Carlos Vázquez quixo agradecer o apoio recibido por todos os compañeiros da CIG, xa que sinalou sentirse arroupado, "sendo isto unha mostra de unidade e camaraderia moi importante".

 
 
Informacións relacionadas
24/10/2006 Ás 9:30 horas do mércores 25 de outubro diante do Pazo de Xustiza
Concentración de delegados e delegadas da CIG en Ourense en apoio a Carlos Vázquez
16/05/2006 A multa supera os 7.000 euros, con arresto substitutorio en caso de impago
Novo ataque ao dereito á folga coa sentenza a Carlos Vázquez, membro da Executiva Comarcal da CIG-Ourense
04/04/2006 Foi procesado por participar nun piquete na folga xeral do 20 de xuño de 2002
Xuízo contra Carlos Vázquez, membro da Executiva Comarcal de Ourense
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 26/10/2006
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta