Actualidade Vigo, 20 de outubro de 2006 A CIG solicita que se restableza o diálogo e se procure un modelo de xestión propio dunha Caixa de Aforros, non dun Banco O persoal de Caixa Galicia rexeita a bancarización da empresa   CIG-Comunicación- cig.prensa@galizacig.com   Ante o que cualifican de grave explotación, acoso laboral organizado e presión desmedida, que sofre o persoal da Caixa Galicia no proceso de bancarización iniciado pola Dirección da empresa, a CIG iniciou no mes de xuño un proceso de mobilizacións de delegados e delegadas. (Fotos: “Traballo digno; non á persecución, á presión e o acoso”, mobilización dos traballadores/as de Caixa Galicia en Lugo o 15 de xuño de 2006. ©galizacig.com).   Pendentes da realización das Asembleas de Ferrol e A Coruña, que terán lugar os días 24 e 25 de outubro, así como das que se desenvolverán polas vilas máis afastadas das grandes cidades, máis de 300 traballadores e traballadoras de Caixa Galicia teñen participado ata o día de hoxe nas Asembleas convocadas pola CIG. Ante o que cualifican de grave explotación, acoso laboral organizado e presión desmedida, que sofre o persoal da Caixa Galicia no proceso de bancarización iniciado pola Dirección da empresa, a CIG iniciou no mes de xuño un proceso de mobilizacións de delegados e delegadas. Como queira que a Dirección continúa pechada ao diálogo e incluso incrementou os requirimentos desmedidos ao cadro de persoal implantando unilateralmente novas medidas laborais en diversas materias, a CIG convocou Asembleas de traballadores e traballadoras. As asembleas celebradas ata hoxe están tendo un respaldo sen precedentes recentes no sector financeiro, sendo un éxito tanto dende o punto de vista cuantitativo como polas propostas realizadas nas mesmas polo propio persoal asistente. A resposta está sendo a mesma en todas as asembleas celebradas nas grandes cidades galegas, elevándose a participación ata máis de 300 persoas a día de hoxe. Hai que pensar que a dispersión dos centros de traballo dificulta a asistencia a estas convocatorias xa que Caixa Galicia ten case 500 oficinas no país e a maior parte delas con menos de 3 traballadores/as, polo que a realización das asembleas require un gran esforzo da Sección Sindical e do propio persoal. Dende a CIG denuncian que a Dirección da caixa esta encamiñando a empresa cara a un grave conflito laboral, e solicitan que se impoña o sentido común, que se restableza o diálogo e que se procure un modelo de xestión propio dunha Caixa de Aforros, non dun Banco. Ata que non rematen todas as asembleas a CIG non fará pública as reivindicacións aprobadas polo persoal nin as seguintes medidas de presión previstas.

Informacións relacionadas 28/09/2006 Ante o deterioro do clima laboral Convocadas Asembleas de traballadores/as en Caixa Galicia 20/09/2006 Pagar para traballar: Caixa Galicia estafa ao persoal temporal 09/07/2006 Nova mobilización da CIG en Caixa Galicia contra a presión 17/06/2006 Continúa a campaña contra a presión laboral en Caixa Galicia con concentracións e manifestación en Lugo 09/06/2006 Contra a presión laboral da Dirección aos traballadores/as e a reclasificación dos administrativos en comerciais A Sección Sindical da CIG en Caixa Galicia inicia un proceso de mobilizacións

Confederación Intersindical Galega www.galizacig.com ÚLTIMA REVISIÓN: 20/10/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta