Actualidade Santiago, 6 de outubro de 2006 Satisfacción pola setenza do TC de non considerar a gravidez enfermidade discapacitante   CIG-Comunicación- cig.prensa@galizacig.com   A sentenza do Tribunal Constitucional sinala que existiu discriminación por sexo por parte do INEM ao deixar de enviar ofertas de emprego a unha nai en paro mentres durou o permiso por maternidade.   A Secretaría Confederal da Muller da Confederación Intersindical Galega vén de amosar a súa boa acollida da sentenza do Tribunal Constitucional quen acaba de sinalar que existiu discriminación por sexo por parte do INEM ao deixar de enviar ofertas de emprego a unha nai en paro mentres durou o permiso por maternidade. O INEM equiparou a través desta iniciativa baixa maternal a incapacidade, baixa maternal a enfermidade común. A sentenza recolle que se o permiso maternal para unha traballadora pretende favorecer e protexer a incorporación da muller ao mundo laboral, cando está desempregada non pode implicar o contrario. Elvira Patilo, secretaria confederal de Muller da Confederación Intersindical Galega manifesta que “a preñez e a maternidade non poden seguir sendo consideradas como enfermidades discapacitantes, máis nunha sociedade onde protagonizamos os máis baixos niveis de maternidade e onde a Unión Europea está a igualar a protección da maternidade e a igualdade de trato na vida laboral, debendo deixar –en todo caso- ao criterio de elección da muller se esta quere interromper a súa baixa para aceptar un emprego”.

Confederación Intersindical Galega www.galizacig.com ÚLTIMA REVISIÓN: 06/10/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta