ActualidadeVolver a Actualidade


Santiago, 7 de novembro de 2006

Desestimados os recursos de apelación presentados polo xuízo de Carlos Vázquez
 

CIG-Comunicación-

cig.prensa@galizacig.com


  Xuízo apelación Carlos Vázquez, clic para aumentar
A Executiva Comarcal da CIG de Ourense valora positivamente que non se aceptara o recurso do ministerio fiscal e sinala que “é absurdo acusar dun delito contra os dereitos dos traballadores o feito de exercitar o dereito a folga que temos os traballadores e traballadoras na lexítima defensa dos nosos intereses, como era o caso da Folga Xeral do 20 de xuño de 2002, que obrigou ao goberno a retirar o “Decretazo”. (Foto: Concentración diante do Pazo de Xustiza de Ourense o 25 de outubro de 2006. Carlos Vázquez, de vermello no centro da pancarta. ©galizacig.com).
 
A Audiencia Provincial de Ourense vén de desestimar os recursos de apelación presentados contra a sentenza ditada polo Xulgado do Penal nº 2 de Ourense en relación cos feitos acontecidos no centro comercial Ponte Vella durante a Folga Xeral convocada para o día 20 de xuño de 2002. Esta resolución é firme e non cabe recurso contra a mesma.

A sentenza do Xulgado do Penal absolvía a Carlos Vázquez, membro da Executiva Comarcal da CIG en Ourense, da petición do Ministerio Fiscal de tres anos e un mes de cadea por un suposto delicto contra os dereitos dos traballadores, condenándoo, porén, á pena de seis meses de multa a razón de 6 euros por día e ao pagamento dunha indemnización de 5.700 euros por un delicto de danos.

A Executiva Comarcal da CIG de Ourense valora positivamente que non se aceptara o recurso do ministerio fiscal e sinala que “é absurdo acusar dun delito contra os dereitos dos traballadores o feito de exercitar o dereito a folga que temos os traballadores e traballadoras na lexítima defensa dos nosos intereses, como era o caso da Folga Xeral do 20 de xuño de 2002, que obrigou ao goberno a retirar o “Decretazo”.

Porén, considera contraditorio que se ratifique a condena a un dirixente sindical ao pagamento dunha multa e indemnización por un incidente producido durante a actuación dun masivo piquete informativo que estaba exercitando os seus dereitos, dando a impresión de que se está a perseguir e castigar a participación de sindicalistas nas folgas.

“Constatamos unha vez máis”, afirma o comunicado da Executiva comarcal, “que existe moito rigor á hora de aplicar o Código Penal para perseguir aos líderes sindicais, máis non é a mesma vara de medir a que se utiliza cando se atenta realmente contra o dereito dos traballadores por parte dos empresarios, e poñamos por caso as situacións que se están dando no referente á sinistralidade laboral. Cantos empresarios hai axuizados e condenados por incumprimentos das normas de seguridade no traballo?”.

 
 
Informacións relacionadas
26/10/2006 A CIG arroupou en todo o proceso ao sindicalista de Ourense
Nova actitude elitista e clasista da Fiscalía contra o dereito de folga na revisión do xúizo a Carlos Vázquez
24/10/2006 Ás 9:30 horas do mércores 25 de outubro diante do Pazo de Xustiza
Concentración de delegados e delegadas da CIG en Ourense en apoio a Carlos Vázquez
16/05/2006 A multa supera os 7.000 euros, con arresto substitutorio en caso de impago
Novo ataque ao dereito á folga coa sentenza a Carlos Vázquez, membro da Executiva Comarcal da CIG-Ourense
04/04/2006 Foi procesado por participar nun piquete na folga xeral do 20 de xuño de 2002
Xuízo contra Carlos Vázquez, membro da Executiva Comarcal de Ourense
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 07/11/2006
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta