Actualidade Santiago, 25 de novembro de 2006 Demandan un trazado alternativo do Tren de Alta Velocidade Os traballadores da Mina de Serrabal cortan o tráfico na estrada entre Santiago e Ourense   CIG-Comunicación- cig.prensa@galizacig.com   Os traballadores manteñen a súa demanda de cambio de trazado dadas as graves repercusións que a construción do TAV polo actualmente previsto tería para a explotación da mina de Ramsa e, en consecuencia para os seus postos de traballo. Ademais afectaría tamén aos traballadores de Cee, Sabón e Ferroatlántica. (Fotos: ©galizacig.com 24/11/2006). Os traballadores da mina de Serrabal cortaron o tráfico entre as 11:00 e as 12:00 horas da mañá do venres 24 de novembro na estrada Santiago-Ourense para demandar un trazado alternativo do Tren de Alta Velocidade (TAV) para que se garanta a continuidade da actividade na mina e os postos de traballo. Os traballadores manteñen a súa demanda de cambio de trazado dadas as graves repercusións que a construción do TAV polo actualmente previsto tería para a explotación da mina de Ramsa e, en consecuencia para os seus postos de traballo. Ademais afectaría tamén aos traballadores de Cee, Sabón e Ferroatlántica. Esta concentración prodúcese logo da entrevista que o pasado mércores día 22 de novembro mantiñan co delegado do Goberno. Unha xuntanza na que Manuel Ameijeiras se comprometía a trasladar a información proporcionada polos representantes dos traballadores tanto ao Ministerio de Fomento como ao presidente da Xunta e de xestionar unha entrevista con ambas partes. Anxo Noceda, secretario comarcal da CIG de Compostela, explica que os traballadores levan recollidas xa máis de 1.000 sinaturas entre os veciños das zonas afectadas en apoio ás súas reivindicacións. Sinaturas que foron entregadas tamén a Ameijeiras para que coñecera o alcance do problema.

Informacións relacionadas 06/10/2006 Os traballadores da mina do Serrabal paralizan as obras do TAV en demanda dun cambio do trazado 18/08/2006 CIG-Metal manifesta a súa oposición ao trazado do TAV ao seu paso por Vedra e Boqueixón 09/08/2006 Para garantir a viabilidade da explotación mineira e o mantemento da totalidade dos postos de traballo Os traballadores da mina de Serrabal seguen a mobilizarse por unha modificación do trazado do TAV 29/07/2006 Critica que se centre o problema nos cartos ao empresario e non nos postos de traballo CIG-Químicas cuestiona a indemnización de 325 millóns a Villar Mir polo peche da mina de Serrabal 14/07/2006 Demandan un cambio de trazado do AVE para que se manteñan os postos de traballo Os traballadores de Ramsa e Ferroatlántica en Sabón e Cee concéntranse en San Caetano 07/04/2006 Os traballadores de RAMSA preocupados polas informacións publicadas a respecto do trazado do AVE

Confederación Intersindical Galega www.galizacig.com ÚLTIMA REVISIÓN: 25/11/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta