|
Actualidade CIG-Comunicación-
Utilízase como base para o estudo a Declaración Anual de Retencións e Ingresos a conta sobre rendementos do traballo, de determinadas actividades económicas, premios e determinadas imputacións de renda (modelo 190). É, polo tanto, unha base moi exhaustiva de información; trátase ademais, dunha declaración que non posúe ningún suposto de exención da obriga de declarar. Así, todas as entidades, incluídas administracións públicas, que pagan salarios, pensións ou prestacións por desemprego están obrigadas a presentar o modelo, con independencia da personalidade, a actividade, a dimensión ou o carácter público ou privado destas; polo que a información é exhaustiva e moi detallada. A información preséntase tanto a nivel estatal como de comunidade e nalgúns casos provincial, o que nos permite comparar entre as distintas comunidades do Estado español. Comezamos polos salarios. Un dos primeiros datos a ter en conta é o das diferenzas dos ingresos dos/as asalariadas por comunidades autónomas. Na táboa seguinte expóñense estes, segundo o domicilio do perceptor/a, para o ano 2005.
Os ingresos brutos por salarios no ano 2005 foron de media de 16.017,51 euros por traballador/a no Estado español, 14.886,78 no caso de Galiza, un 92,94 da media estatal, ocupando a décima posición neste ránking. No ano 2000, outro ano que imos tomar de referencia para a análise, situabámonos no undécimo lugar; hai polo tanto unha leve melloría. Sendo a negociación colectiva en Galiza moi viva, o feito de que un número elevado de convenios se sigan a negociar fóra do ámbito do noso país leva a que acadar a media estatal en salarios se converta nunha ardua e lenta tarefa. Ademais disto, os acordos interconfederais asinados pola patronal e CCOO e UGT, así como moitos dos pactos que trasladan á clase traballadora as políticas macroeconómicas sobre fiscalidade e contención de salarios, están a provocar que o incremento de salarios estea sempre ligado ao IPC, o que conleva que o poder destes salarios perda capacidade a respecto do custo real da vida. Cómpre, xa que logo, un marco galego de relacións laborais que nos permita acelerar este proceso. Sirva de exemplo o caso vasco, a comunidade con maior descentralización neste terreo e con maiores salarios. Non esquezamos, así mesmo, a especialización produtiva de cada territorio, no que Galiza se ve prexudicada polo maior peso de sectores pouco especializados e polo tanto de menores salarios. Deixando de lado a posición de Galiza, a primeira conclusión clara deste táboa, son as enormes diferenzas de salarios que hai entre as distintas comunidades autónomas; os salarios medios dos traballadores de Euscadi duplican os dos seus homólogos estremeños; entre estes dous extremos a variedade é múltiple. Hai 7 comunidades con salarios por encima da media estatal, destacando o caso de Euscadi, como xa comentamos, e a certa distancia Navarra e Madrid. No resto, os asalariados/as teñen uns ingresos inferiores á media; Galiza ocupa o sétimo lugar con menores ingresos. Tan importante como coñecer a situación actual é ver a evolución no tempo, para o que collemos de referencia o ano 2000. Achéganse tanto en datos como de forma gráfica.
No que respecta á evolución dos salarios, na media do Estado incrementáronse un 20,6%, por debaixo do incremento do prezos, que para o mesmo período o fixeron un 22%. No caso de Galiza, o incremento dos salarios foi superior ao incremento medio estatal, pero inferior ao aumento da inflación. Deuse polo tanto un acercamento ao salario medio estatal -no 2000 estaba no 92,09 da media e no 2005 sitúase no 92,94, case un punto de mellora-, pero unha perda de poder adquisitivo de 0,3 décimas. Comentábamos antes as enormes disparidades ou diferenzas que había entre as distintas comunidades no ano 2005. O último cadro constata que estas van en aumento. Un só dato, a diferenza entre a de maiores ingresos (Euscadi) no ano 2000, e a de menores (Estremadura) era de 73,8 puntos, a finais de 2005 a diferenza é de 77,3. Polo medio, a variedade é múltiple. Nesta evolución non so inflúen os incrementos salariais anuais, senón tamén os salarios dos novos traballadores que entran ano tras ano no mercado laboral. En anteriores traballos temos chamado a atención sobre como a precariedade laboral non só afecta á estabilidade no emprego, senón tamén ao nivel e ingresos dos/as traballadoras que a sofren. Os datos indican que as/os traballadores con contrato temporal cobran substancialmente menos que as/os seus homólogos cun indefinido, na medida en que estes son máis numerosos afectan aos salarios medios cara a baixo. Non debemos esquecer tampouco o número nada desprezábel de contratos a xornada parcial, os cales tamén teñen incidencia nestes resultados. Mulleres, inmigrantes e os máis novos, son as/os máis afectados polos contratos precarios, na medida en que estes se incorporan ao mercado laboral, os salarios medios tiran á baixa, incrementándose as desigualdades entre a clase traballadora. Nos cadros seguintes anótanse os salarios, por tramos de salario e a evolución con respecto ao ano 2000.
Analizábamos anteriormente as fortes diferenzas que existen entre as distintas Comunidades Autónomas dentro do Estado español, pero as desigualdades dentro de Galiza, entre a clase asalariada, non son menores:
Con respecto á evolución no período 2005-2000:
O gráfico reflicte unha clara progresión ascendente nos salarios dos/as traballadoras ata a idade de xubilación (no ano 2000, a partir dos 45 anos descendían levemente); para os/as que seguen traballando despois desta idade, as remuneracións son moi baixas. Os 6.815 traballadores/as con menos de 18 que ao longo de 2005 realizaron algún traballo remunerado por conta allea en Galiza, obtiveron un salario medio de 2.794 euros anuais; é o grupo peor remunerado. Ata os 35 anos, os/as galegas, de media, non acadan o salario medio -ao igual que ocorría no ano 2000-, co agravante de que durante este período a situación empeorou. En todos os grupos de idade menores de 35 anos, o salario medrou menos que o incremento do salario medio galego, empeorando a situación con respecto á media. De todas as maneiras, no grupo onde menos medraron os salarios foi no de entre 36 e 45 anos -14,5% fronte a 21,7% de media-, pasando de ter uns ingresos equivalentes ao 119,9% da media a descender ao 112,7%. Neste intervalo de idade concentrouse o grupo máis numeroso de asalariados/as no ano 2005. O colectivo mellor pagado é o de idades comprendidas entre os 56 e os 65 anos cuns ingresos equivalentes ao 135,7% da media galega. Traballar nun sector de actividade ou outro é outra das variables influíntes na percepción dun determinado salario.
Os/as asalariadas no sector enerxético son as/os mellor pagados de toda Galiza. De media, no ano 2005 o seu salario situábase no 220% do salario medio dos/as galegas. En segundo lugar, os/as de maiores ingresos son os/as traballadoras de entidades financeiras e aseguradoras, con 84,6 puntos por encima da media galega. Este colectivo no ano 2000 era o de maiores ingresos -215,1% de media-, pero a forte reestruturación que se produciu neste sector, coas prexubilacións dos/as traballadoras de máis idade e maiores salarios, sendo substituídos por outros máis novos/as e en peores condicións, reflíctese nos datos anteriores. Os menos "afortunados/as" economicamente son as/os traballadores de hostalaría e restauración (o segundo colectivo onde máis medrou o emprego neste período analizado), para os cales os seus ingresos medios anuais están no 46,7% da media galega, 6.945 euros no ano 2005 de media; moi lonxe dos 32.836 euros que de media ingresou un traballador do sector enerxético. Máis grave que as enormes diferenzas é o incremento destas no tempo. No ano 2000 a diferenza entre os/as de maiores e menores ingresos era de 169,7 puntos, no ano 2005 de 173,9, 4,2 puntos máis; co agravante de que o aumento da diferenza se debe a que medraron máis os salarios máis altos, mentres os máis baixos practicamente se mantiveron. O sexo sempre foi un factor determinante nas diferenzas
salariais. Os datos do seguinte cadro así o poñen de manifesto. Galiza
Estado español
2005
2000
2005
2000
14.887
12.230
16.018
13.279
16.742
13.554
18.321
15.239
12.225
10.011
12.800
10.266
As diferenzas por razón de sexo son maiores na media do Estado que en Galiza, pero mentres no primeiro descenderon no período analizado, no caso de Galiza incrementáronse, aínda que levemente, pero incrementáronse. No ano 2000, as mulleres galegas cobraban de media un 26,1% menos que os homes; no ano 2005 medrou a diferenza nun punto, ata do 27%. No caso do Estado español, no último ano as mulleres ingresaron unha media dun 30,1 menos que os homes; pero no ano 2000 a media era un 32,6% menos, polo que se acercaron 2,5 puntos. En ambos os casos as mulleres cobran por debaixo da media. Se, ademais de por sexos, os/as distribuímos por tramos de salarios, o panorama é desalentador, especialmente para as mulleres.
As principias conclusións da táboa anterior son as seguintes:
A Axencia Tributaria tamén nos facilita
os datos, tanto de persoas como de salarios, segundo o domicilio do pagador/a e do perceptor/a. Os datos son moi
ilustrativos. Segundo domicilio Segundo domicilio Pagador/ Persoas
Salarios (euros)
Persoas
Salarios (euros)
% % 18.359.870
294.079.446.473
18.359.870
294.079.446.473
100,00
100,00
2.695.706
33.690.161.143
3.271.430
43.123.438.484
82,40
78,10
477.467
7.837.782.037
570.683
9.715.643.991
83,70
80,70
321.644
5.321.544.527
413.852
6.938.620.885
77,70
76,70
455.594
6.703.928.117
464.903
7.143.896.532
98,00
93,80
758.619
10.001.937.331
881.687
12.240.283.547
86,00
81,70
213.122
4.282.125.773
236.350
3.930.249.607
90,20
109,00
596.128
8.096.274.963
760.509
10.948.741.142
78,40
73,90
731.508
11.389.421.030
1.003.035
16.028.244.092
72,90
71,10
3.475.189
61.104.506.611
3.425.713
60.900.665.034
101,40
100,30
323.748
3.789.309.836
416.813
5.102.031.085
77,70
74,30
936.526
13.389.155.283
1.065.340
15.859.477.753
87,90
84,40
4.581.989
87.463.324.202
2.943.945
60.162.458.003
155,60
145,40
561.991
6.729.595.410
626.863
8.023.728.183
89,70
83,90
33.518
656.212.853
—
—
—
—
190.764
4.698.251.734
—
—
—
—
100.890
1.540.719.549
136.914
2.174.489.105
73,70
70,90
1.867.427
26.755.529.051
2.088.295
30.798.859.554
89,40
86,90
21.733
354.120.757
28.226
529.777.765
77,00
66,80
16.308
275.546.266
25.312
458.841.711
64,40
60,10
A táboa reflicte claramente a forte concentración que ten Madrid de sedes sociais de empresas, que non se dá en ningunha outra comunidade. De feito, supera nun 55% o número de asalariados/as que perciben o seu salario, en ou desde Madrid, dos que teñen alí o seu domicilio. En Catalunya podemos dicir que hai concordancia entre pagadores/as e perceptores/as, e no resto das comunidades é maior o número de asalariados/as segundo o domicilio do/da pagadora que do/da perceptora, é dicir, os/as asalariadas traballan para empresas que ten sede noutra comunidade. No caso de Galiza, o 12,1% dos/as asalariadas traballan para empresas que teñen o domicilio social fóra do noso país. Se en vez de asalariados/as falamos de volume total de salarios, a diferenza é do 15,6%, que se explica por que estes 12,1% de asalariados/as perciben uns salarios superiores á media galega. Castela e León é a comunidade con maiores diferenzas.
A longo do ano 2005, 3.202.942 persoas recibiron prestacións por desemprego no Estado español, das cales o 6,3% (203.192) foron residentes en Galiza. A prestación media destes parados/as en Galiza acadou os 2.800 euros anuais, o 96,7% da media estatal. Tamén no caso das prestacións por desemprego hai diferenzas entre sexos. Os homes galegos cobraron de media 3.067 euros (99,9% da media estatal masculina) e as mulleres 2.571 euros (92,5% da media feminina); hai diferenzas entre os galegos/galegas e con respecto á media estatal. Outra información que evidencia este cadro son as dificultades das mulleres de atopar emprego, xa que mentres dos/as paradas rexistradas en Galiza máis do 60% son mulleres, cando se trata de cobrar prestacións as mulleres son o 48%. En vista da contía media da prestación, son os/as asalariadas con menos salarios os que en maior medida pasan ao desemprego; non só gañan pouco senón que teñen un traballo inestábel. Os/as pensionistas son o terceiro colectivo que esta fonte nos permite analizar. Na táboa da páxina seguinte temos os datos deste colectivo, por comunidades autónomas e sexo. En total no ano 2005, 8.154.555 persoas recibiron algunha pensión no Estado español neste ano, das cales 714.930 (8,7% do total) tiñan o seu domicilio en Galiza; estas recibiron de media unha pensión de 8.403 euros, 12,5% menos que a media estatal. Este maior peso dos/as pensionistas galegos/as sobre o total estatal, débese ao forte peso que a emigración tivo, e segue a ter, en Galiza, o que fai que moitos/as das xubiladas/pensionistas que cobran as súas pensións en Galiza, parte ou toda a súa vida laboral se desenvolveu noutra comunidade do Estado español, e volven aquí ao que rematan a actividade laboral. Tamén no caso das pensións as diferenzas por sexos son apreciábeis. Un pensionista galego cobra de media 9.876 euros, un 14,2% menos que a media do Estado; e unha muller pensionista 7.068 euros, un 28,5% menos que os homes. En cambio, con respecto á media estatal a diferenza é menor, un 7,9%.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ÚLTIMA REVISIÓN: 07/12/2006 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
