Actualidade Vigo, 1 de decembro de 2006 A empresa vulnerou os dereitos á liberdade sindical, á non discriminación por motivos sindicais e á tutela xudicial efectiva Office Depot-Guilbert deberá readmitir á traballadora despedida   CIG-Comunicación- cig.prensa@galizacig.com   A Federación de Banca da CIG valora moi positivamente esta Sentenza, que supón unha inxección de ánimo para os delegados e delegadas da CIG de Office Depot, recentemente revogados, que sempre mantiveron unha defensa firma e coherente dos intereses das traballadoras e traballadoras. A sentenza dá como probado que o despedimento da traballadora Mª Carme Alves Pereira tivo lugar ao día seguinte de solicitar o amparo dos delegados da CIG no Comité de Empresa, ante o acoso moral ao que estaba sendo sometida polo seu inmediato superior. (Fotos: ©galizacig.com 24/10/2006).     O Xulgado do Social nº 1 de Ourense, en data 24 de novembro pasado, vén de ditar sentenza declarando nulo o despedimento da traballadora Mª Carme Alves Pereira, obrigando á empresa Office Depot a readmitila no posto de traballo nas mesmas condicións que antes do despedimento e ao abono dunha indemnización en concepto de danos e prexuízos. A sentenza dá como probado que o despedimento da traballadora tivo lugar ao día seguinte de solicitar o amparo dos delegados da CIG no Comité de Empresa, ante o acoso moral ao que estaba sendo sometida polo seu inmediato superior. Previamente, a empresa xa lle recriminara que falaba cos representantes sindicais da CIG na hora do café. Nos seus fundamentos xurídicos enténdese, dándolle a razón á CIG, que por parte da empresa foron vulnerados o dereito de liberdade sindical, que protexe que a traballadora poida reunirse cos membros de calquera sindicato e ser defendida por eles sen ser sufrir represalias por ese feito, o dereito a non ser discriminada por motivos sindicais e, por último, o dereito á tutela xudicial efectiva, xa que o seu despido foi a reacción inmediata á denuncia feita por un membro do comité de empresa ante RRHH da existencia dun acoso á traballadora por parte do seu xefe inmediato. Esta sentenza prodúcese días despois da revogación do Comité de Empresa por parte dos traballadores e traballadoras, co pretexto das mobilizacións que fixo a CIG en defensa desta compañeira. Dende a Federación de Banca da CIG se valora moi positivamente esta Sentenza, xa que tamén supón unha inxección de ánimo para os delegados e delegadas da CIG de Office Depot, recentemente revogados, que sempre mantiveron unha defensa firma e coherente dos intereses das traballadoras e traballadoras desta empresa, como neste mesmo caso.

Informacións relacionadas 26/10/2006 Nova mobilización pola readmisión da traballadora despedida de Office Depot, en Ourense 30/09/2006 Tras denunciar ante o Comité de Empresa que estaba sendo sometida a acoso laboral por parte do seu superior Mobilizacións contra un despedimento no call center da multinacional Office Depot en Ourense 04/10/2005 Office Depot despide a oito persoas do seu cadro de persoal en Ourense

Confederación Intersindical Galega www.galizacig.com ÚLTIMA REVISIÓN: 01/12/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta