Actualidade Santiago, 26 de decembro de 2006 Xornadas da Secretaría da Muller da CIG sobre Negociación Colectiva e a Lei Orgánica de Igualdade   CIG-Comunicación- cig.prensa@galizacig.com   A Secretaría da Muller da CIG vén de celebrar unhas xornadas nas que se analizou a forma de aplicación na Negociación Colectiva da Lei Orgánica de Igualdade entre Homes e Mulleres. (Fotos: ©galizacig.com 19/12/2006).   A Secretaría da Muller da CIG vén de celebrar unhas xornadas nas que se analizou a forma de aplicación na Negociación Colectiva da Lei Orgánica de Igualdade entre Homes e Mulleres. A secretaria confederal de Muller e Servizos Sociais, Elvira Patiño, salientou a importancia de que as delegadas e os delegados estean preparados para que cando se aplique a Lei sexan quen de negociar coa empresa e pór en marcha un Plan de Igualdade e cales son as modificacións que se introducen no Estatuto dos/as Traballadoras. Xaime Cabeza, catedrático de Dereito da Universidade de Vigo presentou unha análise do alcance do proxecto de lei e a potencialidade que ten na negociación colectiva. Pola súa banda, a socióloga e técnica de igualdade da Secretaría da Muller da CIG, Margarida Corral Sánchez, presentou a forma de elaboración, implementación e avaliación dos planos de igualdade e a avogada Celia Pereira Porto centrou a súa intervención na discriminación de xénero na negociación colectiva. O secretario confederal de Negociación Colectiva e Saúde Laboral da CIG, Antolín Alcántara, foi o encargado de clausurar as xornadas. De seguido adxuntamos varios dos documentos das xornadas: A negociación colectiva, un instrumento para conseguir a igualdade Documentos xornadas   O plan de igualdade: elaboración, implementación e avaliación (Ponencia Plan de Igualdade) A negociación colectiva, un instrumento para conseguir a igualdade I Plan de Acción da CIG para a Igualdade de Oportunidades entre Mulleres e Homes 2005-2008 Como facer un Plan de Igualdade nunha empresa (Esquema do Plan de Igualdade e contidos xerais) Táboas para a recollida de información sobre as características da empresa “A discriminación de xénero no emprego: unha asignatura pendente para a negociación colectiva”, por Celia Pereira Porto Proxecto de Lei do Traballo en Igualdade das Mulleres de Galiza (Texto aprobado no Consello da Xunta do 26 de outubro de 2006) Proxecto de Lei Orgánica de Igualdade entre Mulleres e Homes

Informacións relacionadas 14/12/2006 Martes día 19 de decembro en Compostela Xornadas da Secretaría da Muller da CIG sobre a Negociación Colectiva e a Lei de Igualdade 27/04/2006 Valoración da CIG do Anteproxecto de Lei de Igualdade entre Mulleres e Homes

Confederación Intersindical Galega www.galizacig.com ÚLTIMA REVISIÓN: 26/12/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta