Actualidade A Coruña, 23 de xaneiro de 2007 A Federación de Banca da CIG alerta da posíbel privatización desta caixa de aforros galega Duascentas delegadas e delegados esixen a fin do acoso laboral en Caixa Galicia   CIG-Comunicación- cig.prensa@galizacig.com   Empregados e empregadas demandan que a empresa reforce con máis persoal a rede de oficinas. Apuntan que a produtividade medrou case un 50% nos últimos dous anos. Porén, cada día hai novos recortes de persoal e teñen que realizar novas funcións e traballos. Douscentos delegados/as, convocados pola CIG e CCOO, concentráronse o día 20 de xaneiro ás portas do Teatro Colón de A Coruña para denunciar a presión e o acoso laboral en Caixa Galicia. Esta mobilización coincidiu coa “Convención anual de directores” da caixa de aforros. Os traballadores/as de Caixa Galicia esixen que a empresa respecte a súa profesionalidade e non admiten que, en cada xuntanza, en cada correo electrónico ou en cada chamada telefónica, lles falten ao respecto e desprecen o seu traballo. Polo tanto, solicitan o cese de Julio Rivero como máximo responsábel da política comercial da entidade. (Fotos: ©galizacig.com 20/01/2007). Douscentos delegados/as, convocados pola CIG e CCOO, concentráronse o día 20 de xaneiro ás portas do Teatro Colón de A Coruña para denunciar a presión e o acoso laboral en Caixa Galicia. Esta mobilización coincidiu coa “Convención anual de directores” da caixa de aforros, que se celebrou no interior deste teatro coruñés e á que acudiron, entre outros cargos, o director xeral da entidade, José Luís Méndez. Os traballadores/as de Caixa Galicia esixen que a empresa respecte a súa profesionalidade e non admiten que, en cada xuntanza, en cada correo electrónico ou en cada chamada telefónica, lles falten ao respecto e desprecen o seu traballo. Polo tanto, solicitan o cese de Julio Rivero como máximo responsábel da política comercial da entidade. Os empregados/as demandan que a empresa reforce con máis persoal a rede de oficinas. Apuntan que a produtividade medrou case un 50% nos últimos dous anos. Porén, cada día hai novos recortes de persoal e os empregados/as teñen que realizar novas funcións e traballos. Ao mesmo tempo, esixen que todas as medidas que lles afecten laboralmente sexan negociadas coa súa representación legal. A CIG-Banca pide que se respecten os horarios pactados, que se deixe de presionar e ameazar os empregados e empregadas para que teñan que traballar no serán e de balde. A empresa vén de aproveitar a retribución variábel para levar adiante unha espectacular suba dos salarios da alta dirección. Para a CIG-Banca, esta situación contrasta coa falta de medios que padecen os traballadores/as nas oficinas. Estes cambios teñen como obxectivo a máis que probábel privatización de Caixa Galicia, coa súa saída a bolsa utilizando as cotas participativas. Actualmente continúan as baixas por estrés do persoal, mentres que José Luis Méndez, o director xeral da entidade, segue a ignorar as demandas dos traballadores e traballadoras.

Informacións relacionadas 10/01/2007 O FMI, a Comisión Europea, o PP e o PSOE están de acordo en privatizar as Caixas de Aforros Artigo de Clodomiro Montero Martínez (CIG) 27/10/2006 600 traballadores e traballadoras de Caixa Galicia dixeron NON á presión 20/10/2006 A CIG solicita que se restableza o diálogo e se procure un modelo de xestión propio dunha Caixa de Aforros, non dun Banco O persoal de Caixa Galicia rexeita a bancarización da empresa 28/09/2006 Ante o deterioro do clima laboral Convocadas Asembleas de traballadores/as en Caixa Galicia 20/09/2006 Pagar para traballar: Caixa Galicia estafa ao persoal temporal 09/07/2006 Nova mobilización da CIG en Caixa Galicia contra a presión 17/06/2006 Continúa a campaña contra a presión laboral en Caixa Galicia con concentracións e manifestación en Lugo 09/06/2006 Contra a presión laboral da Dirección aos traballadores/as e a reclasificación dos administrativos en comerciais A Sección Sindical da CIG en Caixa Galicia inicia un proceso de mobilizacións

Confederación Intersindical Galega www.galizacig.com ÚLTIMA REVISIÓN: 23/01/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta