Actualidade A Coruña, 29 de xaneiro de 2007 A CIG-Saúde esixe unha Carreira Profesional non discriminatoria e digna para o persoal do Sergas   CIG-Comunicación- cig.prensa@galizacig.com   As traballadoras e traballadores concentrados no Juan Canalejo de A Coruña demandaron do Sergas unha Carreira Profesional digna e non discriminatoria en canto ás retribucións e os anos para acceder a cada grao de carreira. (Foto: ©galizacig.com 26/01/2007).   Ao mesmo tempo que no resto de hospitais públicos da Galiza, a CIG-Saúde protagonizou o 26 de xaneiro no Juan Canalejo unha concentración á que se sumaron 80 traballadoras e traballadores sanitarios na demanda dunha Carreira Profesional digna e non discriminatoria en canto ás retribucións e os anos para acceder a cada grao de carreira. Os grupos máis damnificados pola proposta do Sergas de acceso aos graos de carreira son os “C”, “D” e “E”, que representan a máis do 60% dos traballadores/as do Servizo Galego de Saúde. Para a CIG-Saúde constátase unha nova discriminación con respecto ao persoal facultativo e fan un chamamento a todos os traballadores e traballadoras a que se unan a estas reclamacións e ao resto de centrais sindicais para que, “entre todos, poidamos facer máis presión mediante a convocatoria de mobilizacións unitarias”. Puntos de desencontro e propostas da CIG Anos de servizo para acceder a cada grao, proposta do Sergas Graos Grupo A Grupo B Grupo C Grupo D Grupo E I 5 5 5 5 5 II 12 13 14 14 15 III 19 20 23 23 25 IV 25 26 29 30 32 Esta proposta é para a CIG-Saúde inaceptábel polas enormes diferenzas entre categorías e por ser discriminatoria respecto das carreiras xa existentes. “A nosa central segue a propór, para todos os grupos e categorías, os seguintes anos para acceder a cada grao de carreira: 5-12-19-25”. Complemento de carreira O Sergas colle como referencia de partida o modelo de Carreira Profesional (CP) acordado en Andalucía. Isto para a CIG-Saúde é inaceptábel, tanto polas contías para cada grupo como por incrementar de forma inasumíbel as escalas retributivas actuais entre categorías. Neste cadro vense as diferenzas entre a proposta da CIG e a da Administración. Grupos Proposta CIG-Saúde Referencia Sergas (segundo a CP do Servicio Andaluz de Salud) A 2.700 2.500 B 2.150 1.625 C 1.650 800 D 1.450 500 E 1.350 400 Tratamento da promoción interna Aínda que o Sergas fixo un pequeno achegamento no sentido de aceptar contemplar unha parte dos servizos prestados noutras categorías fixas para acceder aos graos de Carreira Profesional, na nova categoría fixa que se desempeñe as diferenzas aínda son abismais, como se pode observar no seguinte cadro. Servizos prestados en grupos Proposta CIG-Saúde (para todos os graos) Proposta Sergas (só para graos I e II) Mesmo grupo 100% do tempo 90% Grupo inferior 100% 75% Dous grupos menos 90% 50% Tres grupos menos 80% 30% Catro grupos menos 70% 15% Ademais, o Sergas non se compromete noutras propostas que fai a CIG-Saúde: que os graos consolidados nunha determinada categoría se manteñan transitoriamente en caso de acceder a unha nova, e que o tratamento que se acorde para a promoción interna nesta carreira se estenda a todas as categorías.   Para a CIG-Saúde constátase unha nova discriminación con respecto ao persoal facultativo e fan un chamamento a todos os traballadores e traballadoras a que se unan a estas reclamacións e ao resto de centrais sindicais para que, “entre todos, poidamos facer máis presión mediante a convocatoria de mobilizacións unitarias”. (Fotos: ©galizacig.com 26/01/2007). (Na foto, atendendo aos medios, Xoán Sande, secretario comarcal de CIG-Saúde de A Coruña).   Persoal funcionario e laboral Tampouco aquí hai achegamentos, pois mentres a CIG-Saúde segue a defender o dereito do todo o persoal que realiza as mesmas funcións ao acceso á Carreira Profesional, independentemente do seu tipo de vinculación xurídica, o Sergas mantén a exclusión de funcionarios e laborais desta negociación. Algo que a CIG-Saúde non acepta e para o que esixe solucións.

Confederación Intersindical Galega www.galizacig.com ÚLTIMA REVISIÓN: 29/01/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta