Actualidade A Coruña, 2 de xaneiro de 2007 23.000 persoas apoian o combinado nacional no estadio herculino Riazor converteuse nun clamor a prol da oficialidade da selección galega   CIG-Comunicación- cig.prensa@galizacig.com   Á cita en Riazor acudiron 23.000 persoas chegadas desde todos os recunchos do país. Festa, reivindicación e deporte uníronse nunha xornada memorábel para a consolidación das seleccións nacionais deportivas. (Fotos: ©galizacig.com 28/12/2006). Foi moito “mais do que um jogo”, tal como sinalaba o lema dos Siareir@s Galeg@s para este partido. Á cita en Riazor acudiron 23.000 persoas chegadas desde todos os recunchos do país. Festa, reivindicación e deporte uníronse nunha xornada memorábel para a consolidación das seleccións nacionais deportivas. Os actos reivindicativos arrincaron no Campo da Leña pouco despois das sete da tarde do pasado día 28. Á manifestación nacional organizada polos Siareir@s Galeg@s uníronse 2.000 persoas, que emprenderon unha marcha polas principais rúas do centro de A Coruña reclamando a oficialidade das nosas seleccións deportivas. O ambiente foi festivo, mais en ningún momento o forte ton reivindicativo esmoreceu e as consignas foron constantes. “Selección nacional na Galiza, oé!”, “Unha nación, unha selección!” ou “Galiza ceibe, poder popular!” foron os cánticos máis ouvidos entre os/as siareir@s. A manifestación decorría sen incidencias polas rúas coruñesas e tomaba rumbo cara ao estadio de Riazor, onde estaba previsto que rematase pouco antes de que dese comezo o partido. Ao chegar á Coiraza do Orzán, varios manifestantes pretenderon arriar a bandeira española que alí está instalada, gabeando polo mastro. Porén, non puideron desprendela porque, aos poucos minutos, varias dotacións de antidisturbios da policía española se presentaron no lugar e comezaron a cargar indiscriminadamente. As furgonetas dos uniformados circulaban a grande velocidade polo paseo marítimo da cidade, co risco de atropelar os peóns. Após minutos de moita tensión e de enfrontamentos coa policía, os manifestantes dispersáronse cara a zona do estadio e a marcha chegou ao seu fin. O partido O encontro foi moi igualado entre as dúas seleccións. Houbo ocasións para ambas, mais Ecuador foi a primeira en adiantarse no marcador, despois dun libre directo botado perfectamente por Calle e no que Roberto pouco puido facer para evitar que o balón se introducise nas mallas. O xogo dos galegos non amorteceu e a presión dos nosos foi constante, até conseguir o empate, logo dunha grande xogada elaborada por Diego Castro e executada por Pereira. Con este resultado se chegou aos noventa minutos regulamentarios. Galiza segue invicta mais, en noites como esta, o resultado, se cadra, é o de menos.

“Galiza, máis que un xogo”, acto de autoafirmación nacional Os actos reivindicativos arrincaron no Campo da Leña pouco despois das sete da tarde do pasado día 28.    Á manifestación nacional organizada polos Siareir@s Galeg@s uníronse 2.000 persoas, que emprenderon unha marcha polas principais rúas do centro de A Coruña reclamando a oficialidade das nosas seleccións deportivas.   O ambiente foi festivo, mais en ningún momento o forte ton reivindicativo esmoreceu e as consignas foron constantes. “Selección nacional na Galiza, oé!”, “Unha nación, unha selección!” ou “Galiza ceibe, poder popular!” foron os cánticos máis ouvidos entre os/as siareir@s.   Ao chegar á Coiraza do Orzán, varios manifestantes pretenderon arriar a bandeira española que alí está instalada, gabeando polo mastro. Varias dotacións de antidisturbios da policía española se presentaron no lugar e comezaron a cargar indiscriminadamente. As furgonetas dos uniformados circulaban a grande velocidade polo paseo marítimo da cidade, co risco de atropelar os peóns.   Após minutos de moita tensión e de enfrontamentos coa policía, os manifestantes dispersáronse cara a zona do estadio e a marcha chegou ao seu fin.

Informacións relacionadas 27/12/2006 Puro sentimento!!! Artigo de Silvia Bermúdez Pérez (CIG) 22/12/2006 Entrevista a Simeón Cantó, afiliado de CIG-Servizos e un dos fundadores de Siareir@s Galeg@s Manifestación o xoves 28 pola selección galega e partido Galiza-Ecuador

Confederación Intersindical Galega www.galizacig.com ÚLTIMA REVISIÓN: 02/01/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta