Actualidade Vigo, 16 de febreiro de 2007 Coa Asemblea de delegados e delegadas do sector financeiro A CIG dá o pistoletazo de saída para a negociación dos Convenios de Banca e Caixas de Aforros   CIG-Comunicación- cig.prensa@galizacig.com   Descarga o vídeo. (Formato do vídeo: Windows Media Video [wmv], duración: 3'48'', espazo en disco: 10.172.724 bytes [9,70 Mb]). A CIG é a primeira forza sindical no sector financeiro e reclamou que se respecten os resultados das pasadas eleccións sindicais e se constitúan Mesas de negociación a nivel galego. (Fotos: ©galizacig.com 15/02/2007). Posteriormente os delegados e delegadas baixo o lema “Convenio galego, eiqui traballamos, eiqui negociamos”, desprazáronse ata as Oficinas principais de Banesto, BBVA e SCH para realizar asembleas informativas. O día 15 de febreiro tivo lugar en Compostela unha Asemblea nacional de delegados e delegadas da CIG en Bancos e Caixas de Aforros co fin de debater as respectivas Plataformas para presentar nas Mesas de negociación dos Convenios. A CIG é a primeira forza sindical no sector financeiro e reclamou que se respecten os resultados das pasadas eleccións sindicais e se constitúan Mesas de negociación a nivel galego. Os delegados e delegadas rexeitaron a aplicación do Acordo Estatal de Negociación Colectiva nos convenios do sector e apostan por unha recuperación real do poder adquisitivo e pola eliminación das categorías ou niveis salariais máis baixos. Incidiron tamén nas medidas tendentes a limitar a temporalidade. Un punto novidoso foi a introdución de medidas tendentes a regular as cargas de traballo e criterios medibles para asignar persoal ás oficinas. Outro dos temas que centrou gran parte da Asemblea, foi a oposición á apertura das entidades financeiras todos os días polo serán, tal e como teñen anunciado varios responsables de Bancos e Caixas. Posteriormente os delegados e delegadas baixo o lema “Convenio galego, eiqui traballamos, eiqui negociamos”, desprazáronse ata as Oficinas principais de Banesto, BBVA e SCH para realizar asembleas informativas ao persoal destas oficinas sobre as medidas aprobadas e solicitando o apoio dos traballadores e traballadoras nas mobilizacións que a CIG poña en marcha ao longo dos vindeiros meses vinculadas ás negociacións dos Convenios.

Confederación Intersindical Galega www.galizacig.com ÚLTIMA REVISIÓN: 20/02/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta