Actualidade Vigo, 8 de febreiro de 2007 Aclaración ás declaracións do director xeral A CIG non negociará abrir polo serán en Caixa Galicia   CIG-Comunicación- cig.prensa@galizacig.com   A última protesta laboral tivo lugar o pasado día 20 de xaneiro, cunha concentración conxunta da CIG e CCOO ante a Convención Anual de Directores/as de Caixa Galicia para denunciar a presión e o acoso laboral a que, segundo manifestan estas organizacións sindicais, está sometido o cadro de persoal desta Entidade. (Foto: ©galizacig.com).   Segundo recollen varios medios de comunicación, o pasado día 6 de febreiro o director xeral de Caixa Galicia, nunha rolda de prensa convocada para presentar os resultados do exercicio 2006, anunciou a intención de negociar coa representación sindical a apertura de determinadas oficinas todos os días polo serán. En nota remitida aos medios, e que reproducimos de seguido, a CIG deixa clara a súa rotunda oposición a esta medida. «O director xeral, coas súas declaracións, dá mostras de estar totalmente fóra da realidade laboral que se vive hoxe en Caixa Galicia: dende hai un ano a empresa está atravesando por un conflito laboral motivado pola posta en marcha dun novo modelo organizativo propio do peor dos Bancos. José Luís Méndez está reestruturando a empresa co fin de privatizala mediante a saída á Bolsa das cotas participativas. A modo de exemplo, o pasado ano 2006 en torno a 400 apoderados/as foron trasladados, cesados ou presentaron a dimisión, sobre un colectivo de algo máis de 2.000 persoas. No caso do persoal administrativo non hai datos, xa que son movementos que non pasan polo Consello de Administración da Entidade. Dende a Confederación Intersindical Galega, sindicato maioritario nesta empresa en Galiza cunha representatividade do 48%, vimos realizado mobilizacións sindicais dende o mes de xuño do 2006, con concentracións en Compostela, Lugo, Pontevedra e multitudinarias Asembleas de traballadores e traballadoras en Vigo, Pontevedra, Lugo, Ourense, Compostela, Ferrol e A Coruña. A última protesta laboral tivo lugar o pasado día 20 de xaneiro, cando a CIG e CCOO concentrámonos conxuntamente ante a Convención Anual de Directores/as de Caixa Galicia para denunciar a presión e o acoso laboral a que está sometido o cadro de persoal. Parte da presión ten como obxectivo que o persoal estenda ilegalmente a súa xornada laboral polo serán, feito que dende a CIG temos denunciado en numerosas ocasións ante as Inspección de Traballo, a última o pasado día 5 de febreiro. Pretender empeorar as condicións laborais do persoal de Caixa Galicia, como anunciou o director xeral, só pode supoñer dar un salto cualitativo no conflito laboral que arrastramos dende hai un ano. Neste senso, dende a Confederación Intersindical Galega anunciamos que non negociaremos a extensión do horario en Caixa Galicia e que, en todo caso, non desbotamos a convocatoria dunha Folga na empresa ante a difícil situación que está a vivir o cadro de persoal baixo a dirección de José Luís Méndez. Galiza, 7 de febreiro de 2007. Clodomiro Montero Martínez, secretario nacional de CIG Banca e Aforro».

Informacións relacionadas 23/01/2007 A Federación de Banca da CIG alerta da posíbel privatización desta caixa de aforros galega Duascentas delegadas e delegados esixen a fin do acoso laboral en Caixa Galicia 10/01/2007 O FMI, a Comisión Europea, o PP e o PSOE están de acordo en privatizar as Caixas de Aforros Artigo de Clodomiro Montero Martínez (CIG) 27/10/2006 600 traballadores e traballadoras de Caixa Galicia dixeron NON á presión 20/10/2006 A CIG solicita que se restableza o diálogo e se procure un modelo de xestión propio dunha Caixa de Aforros, non dun Banco O persoal de Caixa Galicia rexeita a bancarización da empresa 28/09/2006 Ante o deterioro do clima laboral Convocadas Asembleas de traballadores/as en Caixa Galicia 20/09/2006 Pagar para traballar: Caixa Galicia estafa ao persoal temporal 09/07/2006 Nova mobilización da CIG en Caixa Galicia contra a presión 17/06/2006 Continúa a campaña contra a presión laboral en Caixa Galicia con concentracións e manifestación en Lugo 09/06/2006 Contra a presión laboral da Dirección aos traballadores/as e a reclasificación dos administrativos en comerciais A Sección Sindical da CIG en Caixa Galicia inicia un proceso de mobilizacións

Confederación Intersindical Galega www.galizacig.com ÚLTIMA REVISIÓN: 10/02/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta