Actualidade A Coruña, 6 de febreiro de 2007 Os afectados polo Porto Exterior desbloquearon os accesos á obra, que mantiñan pechados desde o pasado 29 de xaneiro A CIG valora como un paso positivo o acordo entre os mariñeiros e a Autoridade Portuaria coruñesa   CIG-Comunicación- cig.prensa@galizacig.com   No acordo, a Autoridade Portuaria se compromete a axilizar a tramitación do expediente para que haxa unha pronta resolución que compense os mariñeiros damnificados. O ente portuario coruñés tamén asume o contido das diferentes resolucións do Parlamento de Galiza e da Comisión de Fomento do Congreso español que apoian as indemnizacións a este colectivo. Texto do acordo en .pdf   Paulo Carril, en nome dos mariñeiros afectados pola construción do Porto Exterior de Punta Langosteira, e o presidente da Autoridade Portuaria de A Coruña, Macario Fernández-Alonso, asinaron o 5 de febreiro un acordo polo que a entidade portuaria recoñece este colectivo como afectado e con dereito a ser indemnizado, tralo cese da súa actividade na zona por mor das obras da dársena exterior. A CIG valora este acordo como un primeiro paso na resolución do conflito. A Autoridade Portuaria tamén se compromete a axilizar a tramitación do expediente para que haxa unha pronta resolución que compense os mariñeiros damnificados. O ente portuario coruñés tamén asume o contido das diferentes resolucións do Parlamento de Galiza e da Comisión de Fomento do Congreso español que apoian as indemnizacións a este colectivo. Pola súa parte, os mariñeiros desbloquearon, xa desde a tardiña do día 5 de febreiro, os accesos ás obras do Porto Exterior coruñés, en Punta Langosteira (Arteixo). O colectivo de afectados levaba desde o pasado 29 de xaneiro acampado na zona, en demanda de solucións ás súas lexítimas reclamacións. Os afectados aseguran que non era a súa intención prexudicar a ninguén coa súa protesta e denuncian a campaña de criminalización á que se viron sometidos. Ao mesmo tempo, agradecen o apoio e a solidariedade que lles brindou á veciñanza de Suevos (Arteixo), o lugar onde están asentadas as obras do Porto.

Informacións relacionadas 30/01/2007 A Autoridade Portuaria non ofrece solucións e os traballadores seguen sen recibir compensacións polo cese da súa actividade Os mariñeiros afectados pola construción do Porto Exterior coruñés bloquean os accesos das obras 07/08/2006 A Autoridade Portuaria incumpre os compromisos cos afectados polas obras do Porto Exterior de A Coruña 19/06/2006 Presentaron alegacións á Instrutora do Expediente de Responsabilidade Patrimonial O colectivo de afectados polas obras do Porto Exterior responsabiliza ao PSOE da falta de solucións 11/04/2006 O novo alcalde non os recibiu e votou contra a iniciativa aprobada no Parlamento Os afectados polas Obras do Porto Exterior de A Coruña critican a actitude continuísta de Losada 24/03/2006 Ínstase a que o Goberno español e a Autoridade Portuaria procedan de forma urxente ao pagamento das indemnizacións O Parlamento de Galiza aproba apoiar as reclamacións dos afectados polas obras do Porto Exterior de A Coruña 27/01/2006 Conseguido o seu obxectivo, poñen fin ao peche na Delegación Provincial Os afectados polas obras do Porto Exterior de A Coruña serán recibidos pola conselleira de Pesca 03/11/2005 Levan meses agardando resposta as súas demandas Os afectados polo Porto Exterior de A Coruña urxen unha xuntanza co presidente da Autoridade Portuaria 29/07/2005 A CIG demanda medios suficientes para atopar o corpo do traballador falecido no Porto Exterior 28/07/2005 CIG-Construción propón a CCOO e UGT denunciar ante a Inspección a morte do traballador do Porto Exterior 23/07/2005 Considera que a falta de prevención causou a morte do traballador o martes 19 de xullo A CIG denuncia ás empresas encargadas das obras do Porto Exterior de A Coruña 22/07/2005 O sindicato presentará denuncia diante da Inspección de Traballo Solidariedade da CIG coa familia do traballador finado en accidente de traballo nas obras do Porto Exterior 16/06/2005 Pecháronse nas dependencias da Consellaría de Pesca e fixeron unha pitada Sonora protesta dos afectados polas obras do Porto Exterior de A Coruña 26/05/2005 Afectados polas obras do Porto Exterior Mariscadores, percebeiros e barcos de baixura siguen faenando malia iniciarse as voladuras 19/05/2005 As perdas ascenden a 27,6 millóns de euros O colectivo de afectados polas obras do Porto Exterior reúnese co presidente da Autoridade Portuaria 10/05/2005 O venres 13 de maio celebrarán unha asemblea xeral para avaliar a situación Os afectados polo Porto Exterior de A Coruña adoptarán medidas ante o silencio das autoridades 30/03/2005 CIG e colectivos de afectados pola construción do Porto Exterior de A Coruña demandan indemnizacións 26/02/2005 Os afectados pola construción do Porto Exterior de A Coruña demandan diálogo

Confederación Intersindical Galega www.galizacig.com ÚLTIMA REVISIÓN: 06/02/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta