Actualidade Vigo, 15 de febreiro de 2007 En defensa da liberdade sindical Concentración de delegados e delegadas en Ourense polo xuízo á despedida do Hotel Auriense   CIG-Comunicación- cig.prensa@galizacig.com   Máis de cen delegados e delegadas sindicais amosaban a súa solidariedade coa compañeira da CIG despedida do Hotel Auriense por presentarse ás eleccións sindicais pola central nacionalista. (Fotos: ©galizacig.com 14/02/2007).   Este martes 14 de febreiro, ás 11:45 horas ía ter lugar o xuízo, no Pazo de Xustiza de Ourense, polo despedimento da candidata da CIG á delegada de persoal no Hotel Auriense. Ao mesmo tempo celebrábase unha concentración de máis de de cen delegados e delegadas diante do Pazo de Xustiza. Máis de cen delegados e delegadas sindicais amosaban a súa solidariedade coa compañeira da CIG despedida do Hotel Auriense por presentarse ás eleccións sindicais pola central nacionalista. Carlos Vázquez, membro da Executiva comarcal da CIG Ourense explicaba que “fixemos a concentración en solidariedade coa compañeira despedida, para reclamar a liberdade sindical, e para lanzar unha mensaxe aos empresarios para dicir que desde a CIG non imos permitir que se conculquen os dereitos dos e das traballadoras que queiran elixir libremente aos seus representantes sindicais”. Carlos Vázquez salientou que este caso é “un despedimento que debe ser declarado nulo e que atenta contra os dereitos fundamentais dos e das traballadoras, xa que foi por ter a intención de presentarse ás eleccións sindicais pola CIG. Esa empresa torpedeou todo o proceso desde o principio, que comezou co despido de dous traballadores, e que forzaron a renuncia dun terceiro candidato da CIG”. Vázquez subliñou que “a empresa ten aos traballadores e traballadoras en moi malas condicións, e por iso foron os e as traballadoras as que decidiron que querían ter representación sindical para facer fronte a eses problemas. A resposta da empresa foi boicotear todo o proceso, comezando polo despido de estes traballadores, impedindo despois que se presentara outro candidato, ameazándoo, e ao final non tivo lugar este proceso electoral. Reclamamos a readmisión da traballadora despedida”. Finalmente, o xuízo quedou aprazado para o 2 de marzo xa que a empresa acusada presentou un parte médico da súa principal testemuña que está de baixa, polo que o xuízo non chegou a ter lugar.

Informacións relacionadas 12/01/2007 Constituída a Mesa tras a intervención da Ispección, o luns 15 haberá eleccións neste centro Concentración no Hotel Auriense polos dous despedidos por presentarse ás eleccións sindicais pola CIG 04/01/2007 Nos hoteis Eurostar en Ourense Dous despedimentos por presentarse ás eleccións sindicais pola CIG

Confederación Intersindical Galega www.galizacig.com ÚLTIMA REVISIÓN: 15/02/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta