Actualidade Santiago, 7 de marzo de 2007 O xoves 8 de marzo, coincidindo co Día da Muller Traballadora, haberá unha manifestación en Vigo A CIG celebrará con mobilizacións e coa entrega dun premio o 10 de marzo, Día da Clase Obreira Galega   CIG-Comunicación- cig.prensa@galizacig.com   Xornada reivindicativo-festiva en Ferrol. Ás 12:30 horas partirá da Praza do 10 de Marzo unha manifestación que percorrerá as rúas ferrolás até chegar ao Cantón, onde se celebrará un xantar popular.   A CIG conmemora este ano o Día da Clase Obreira Galega cunha manifestación en Ferrol, con saída ás 12:30 horas do monumento ao 10 de marzo, previa ofrenda floral, e un gran acto o día 9 en Compostela, no que se fará entrega do Premio do “Día da Clase Obreira Galega”. Ademais, o día 8 de marzo, e coincidindo co Día da Muller Traballadora, celébrase tamén en Vigo unha manifestación con saída dos Capuchinos, previa celebración dunha asemblea de delegados/as, na propia praza, ás 10 da mañá. Dous lemas encabezarán este ano a manifestación do Día da Clase Obreira Galega: “Sindicalismo galego: convenios e salarios dignos” e “Galiza nación, autodeterminación”. Dous lemas con dúas mensaxes que para a CIG teñen unha clara relación entre si. No primeiro caso, incidindo en que para conseguir convenios e salarios dignos é imprescindíbel o sindicalismo galego, ou o que é o mesmo, o sindicalismo que representa e desenvolve a CIG. Un sindicalismo diametralmente oposto ao que representan as centrais estatais CCOO e UGT, baseado nunha política de pacto permanente que deixa sen capacidade de participación ás traballadoras e traballadores en materia de negociación colectiva e que favorece precisamente que se anule a súa capacidade de presión para acadar unha mellora das condicións que ofrece a patronal e que aceptan, de forma sistemática, estes sindicatos. O segundo reitera a necesidade de vincular esta data coa loita pola soberanía nacional, que sempre estivo unida, no noso país e desde o sindicalismo nacionalista, á conmemoración dos feitos ocorridos o 10 de marzo de 1972. Premio do “Día da Clase Obreira Galega” O día 9 de marzo, a CIG organiza un xantar de confraternidade no que se fará entrega do premio “Día da Clase Obreira Galega”. O obxectivo deste xantar é aproveitar a significativa data do 10 de marzo para facer entrega dun premio baixo ese nome a fin de destacar o conflito de maior relevancia durante o ano anterior. Desde a CIG enténdese que, no modelo de sociedade no que vivimos, lamentablemente, os conflitos laborais quedan sempre relegados a un segundo plano malia estar presentes no día a día de moitas e moitos traballadores e ter unha participación destacada. Ademais entregaranse pergamiños de recoñecemento a destacados militantes sindicais que contribuíran, co seu labor e compromiso, a consolidar o sindicalismo nacionalista. Ao acto están convidadas numerosas organizacións do nacionalismo e persoas a nivel individual ademais de todos os membros do Consello Confederal da CIG.

Informacións relacionadas 06/03/2007 Os grupos nacionais A Quenlla, Os tres trebóns e mais Dandy Fever actuarán pola tarde no Cantón 10 de Marzo: xornada reivindicativo-festiva en Ferrol Manifestación e ofrenda floral en Ferrol 10 de Marzo, Día da Clase Obreira Galega Suso Seixo, secretario xeral da CIG: “Temos que recuperar como un valor a loita da clase traballadora por dignificar as súas condicións laborais”

Confederación Intersindical Galega www.galizacig.com ÚLTIMA REVISIÓN: 07/03/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta