|
Actualidade
A Coruña, 9 de marzo de 2007
O médico empurrou violentamente unha
muller na concentración do 8 de Marzo que, ao caer, bateu fortemente coa cabeza no chan
A CIG denuncia ao doctor Bayo de Enrique por agresión a unha muller e por omisión do deber de auxilio
| |
 |
| A muller agredida, María Galán
Sánchez, xa foi dada de alta despois de ter sido trasladada polo 061 ao Hospital Juan Canalejo de A Coruña
e logo de que lle diagnosticasen un traumatismo craneoencefálico leve. |
 |
| O doctor Bayo de Enrique, despois de ter perpetrado
esta agresión, recluíuse no interior da súa clínica e nin sequera se interesou polo
estado de saúde da muller agredida, que permanecía deitada no chan cunha grande conmoción. |
 |
| Antes de que acontecese a agresión do
doctor Bayo, uns 80 delegados e delegadas da CIG concentráronse na mañá do 8 de marzo perante
a clínica xinecolóxica privada Arggora en protesta polo acoso laboral que está a sufrir unha
traballadora deste centro. (Fotos: ©galizacig.com
08/03/2007). |
 |
 |
 |
 |
| |
Elvira Patiño, secretaria confederal
da Muller, e Paulo Carril, secretario comarcal de A Coruña, denunciaron, en representación da CIG,
o doctor José Ángel Bayo de Enrique, propietario da clínica xinecolóxica privada Arggora,
por agredir unha muller presente na concentración que organizou o sindicato nacionalista o 8 de marzo ás
portas deste centro e por omitir o seu deber de auxilio a unha persoa ferida.
O doctor Bayo de Enrique, despois de ter perpetrado
esta agresión, recluíuse no interior da súa clínica e nin sequera se interesou polo
estado de saúde da muller agredida, que permanecía deitada no chan cunha grande conmoción.
A muller agredida, María Galán Sánchez,
xa foi dada de alta despois de ter sido trasladada polo 061 ao Hospital Juan Canalejo de A Coruña e logo
de que lle diagnosticasen un traumatismo craneoencefálico leve. A propia muller tamén denunciou a
agresión que sufriu e aportou o parte de lesións.
Concentración previa á
agresión
Antes de que acontecese a agresión do doctor
Bayo, uns 80 delegados e delegadas da CIG concentráronse na mañá do 8 de marzo perante a clínica
xinecolóxica privada Arggora (Ronda de Nelle, 140 baixo), en protesta polo acoso laboral que está
a sufrir unha traballadora deste centro, que na actualidade se atopa de baixa pola situación de tensión
e estrés que padece, derivada dos insultos e vexacións ás que se ve sometida por parte do
xefe. Esta empregada, que leva 26 anos traballando para o doctor Bayo de Enrique, traballaba de recepcionista mais
foi relegada das súas funcións e recluída nun cuarto, soa e co único cometido de transcribir
revistas médicas.
|
