Actualidade A Coruña, 27 de marzo de 2007 Estas autorizacións poden pór os alicerces dun novo proceso de deslocalización das empresas de Telemárketing de A Coruña A CIG esíxelle ao Goberno español que paralice a cesión de datos de usuarios de telefonía ao estranxeiro   CIG-Comunicación- cig.prensa@galizacig.com   A CIG entende que a situación de Atento non é un caso illado no Telemárketing coruñés e que, con novas autorizacións de transmisión de datos de usuarios cara o estranxeiro, outras empresas do sector da cidade poderían ser tamén vítimas da deslocalización. A transferencia de información dos clientes de Telefónica Móviles a Latinoamérica pode chegar a afectar a subcontratas da cidade como Eurocen. (Na foto, Paulo Carril e Clodomiro Montero (no centro) e as seccións sindicais da CIG en Atento e Eurocen. ©galizacig.com 26/03/2007).   A CIG esíxelle ao Goberno español que paralice, por medio da Axencia Española de Protección de Datos, a transmisión de información persoal dos clientes cara países de Latinoamérica. Estas autorizacións gobernamentais interprétanse como un novo paso máis cara procesos de deslocalización das empresas de Telemárketing que operan en A Coruña. A CIG solicitará unha xuntanza co novo director da Axencia Española de Protección de Datos para pedirlle que revise as autorizacións concedidas e paralice as que están en curso. “A propia Axencia non está a garantir a confidencialidade dos cidadáns, senón que fai o contrario, que é transmitir información persoal cara países inseguros”, comenta Clodomiro Montero, secretario nacional da Federación de Banca, Aforro e Seguros da CIG. Por outra banda, a CIG entende que a situación de Atento non é un caso illado no Telemárketing coruñés e que, con novas autorizacións de transmisión de datos de usuarios cara o estranxeiro, outras empresas do sector da cidade poderían ser tamén vítimas da deslocalización. A transferencia de información dos clientes de Telefónica Móviles a Latinoamérica pode chegar a afectar a subcontratas da cidade como Eurocen. Ademais, hai indicios de que Telefónica solicitou autorización para transmitir datos dos usuarios do servizo de ADSL cara Uruguai, Guatemala e Perú. A información que se está a transmitir está relacionada coas tarxetas de crédito dos usuarios, cos seus datos bancarios, co seu estado civil, cos seus modos de vida, coas súas afeccións, etc. Cómpre salientar que no Telemárketing traballa unha media de 5.000 persoas na comarca de A Coruña. A central nacionalista tamén quere pór de manifesto que o 20 de marzo, o mesmo día que se fixeron efectivos os 179 despedimentos en Atento-Coruña, a empresa ofertaba 70 prazas en León para o servizo de atención ao cliente, o mesmo que prestaba a xente despedida en A Coruña. Ao mesmo tempo, a CIG insta á Consellaría de Traballo a que axilice os trámites para que deixe sen efecto os 179 despedimentos fraudulentos de Atento e para que obrigue a empresa a sentarse a negociar o futuro desta filial de Telefónica na cidade herculina.

Informacións relacionadas 24/03/2007 “En defensa do emprego, ningún despido máis” foi o lema da marcha 5.000 persoas bótanse ás rúas coruñesas na defensa dos postos de Atento 23/03/2007 Mónica Díaz, vicepresidenta do Comité de Empresa de Atento en A Coruña e delegada da CIG: “Familias enteiras viven do Telemárketing en A Coruña” 21/03/2007 A xuntanza mantida entre empresa e sindicatos, baixo a mediación da Inspección de Traballo, foi infructuosa Atento fai efectivos os 179 despedimentos en A Coruña 17/03/2007 Xa houbo reunións co alcalde e a Inspección de Traballo Continúa o conflito polo futuro de Atento en A Coruña O BNG presenta varias preguntas no Congreso acerca da actuación policial do pasado 15 de marzo en A Coruña Aumenta a repulsa popular á carga contra traballadoras e traballadores de Atento 16/03/2007 Insta á Consellaría de Traballo a que constitúa unha mesa de negociación coa empresa e mais os sindicatos A CIG denuncia a carga contra os traballadores/as de Atento e esixe a dimisión da subdelegada do Goberno 15/03/2007 Empregados e empregadas aumentarán as medidas de presión Atento despide 179 traballadores/as en A Coruña Subvencionando a deslocalización de Atento-Telefónica Artigo de Clodomiro Montero Martínez (CIG) 14/03/2007 Xa foron despedidos 18 traballadores na sede coruñesa desta filial de Telefónica Os empregados/as de Atento en A Coruña mobilízanse na defensa dos seus postos

Confederación Intersindical Galega www.galizacig.com ÚLTIMA REVISIÓN: 27/03/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta