Actualidade Santiago, 31 de marzo de 2007 A CIG-Ensino valora positivamente esta decisión A Consellaría de Educación vai reconsiderar a proposta de cargas lectivas da ESO   CIG-Comunicación- cig.prensa@galizacig.com   A proposta de CIG-Ensino parte da necesidade de equilibrar un horario obrigatorio con peso en todas as áreas de coñecemento, e concrétase no seguinte: ampliar a carga lectiva de Tecnoloxía até 6 horas, de Música a 4 e de Plástica e Visual a 5 horas de impartición obrigatoria en toda a ESO. (Foto: ©cig-ensino.com).   No pleno do Consello Escolar de Galiza, celebrado este xoves 29 de marzo, estaba previsto realizar o ditame sobre o Decreto polo que se fixa o Currículo da ESO, no que se establecen as cargas horarias das diferentes materias e que propoñía reducir nun 43% a carga horaria de Tecnoloxía e nun 40% a de Plástica e Música. A CIG-Ensino tiña apresentada unha enmenda que estaba avalada polas mobilizacións e sinaturas do profesorado afectado, máis de 3.000, e que é motivo da convocatoria dunha folga para o 12 de abril. A proposta de CIG-Ensino parte da necesidade de equilibrar un horario obrigatorio con peso en todas as áreas de coñecemento, e concrétase no seguinte: ampliar a carga lectiva de Tecnoloxía até 6 horas, de Música a 4 e de Plástica e Visual a 5 horas de impartición obrigatoria en toda a ESO, atendendo á seguinte distribución: Plástica e Visual impartirían 3 en 1º e 2 en 3º. Música 2 en 1º e 2 en 2º e Tecnoloxía 3 en 2º e 3 en 3º. Estas horas sairían da redución de Relixión, Educación para a cidadanía e a supresión do Proxecto interdisciplinar. Ademais, no relativo á 2º Lingua estranxeira entenden que debe ter un horario obrigatorio de 2 horas en 1º e 2 en 2º e logo, o resto do horario, optativo. A Consellaría, ante as mobilizacións levadas a cabo polo profesorado afectado, vai reconsiderar a súa proposta de cargas lectivas na ESO e manifestou que traerá ao Pleno do Consello Escolar do vindeiro 13 de abril unha nova proposta que incidirá no horario das materias de Tecnoloxía, Plástica e Música. Para iso terá en conta a proposta da Permanente do Consello Escolar que traslada que se incrementen as cargas horarias a 6 horas en tecnoloxía, 4 en plástica e 4 en música. A Consellaría dará a coñecer a súa postura final 48 horas antes do Pleno do Consello Escolar. A CIG-Ensino valora positivamente esta decisión e agarda que a proposta da Consellaría recolla as demandas realizadas e avaladas polo profesorado. Calendario Escolar As organizacións sindicais con representación na Mesa Sectorial presentaron un escrito conxunto demandando que, á volta de Semana Santa, a Consellaría traia de novo á Mesa Sectorial a orde de calendario escolar para o curso 2007-2008. A CIG-Ensino xa deixou claro que non acepta a posición da Consellaría de eliminar a xornada en horario matinal nos meses de setembro e xuño e recolleu en menos dunha semana ao redor de 6.000 sinaturas avalando o mantemento deste tipo de xornada, sinaturas que se incrementan hora a hora.

Informacións relacionadas 28/03/2007 CIG-Ensino lamenta esta posición inamovíbel a pesar de avalar a demanda máis de 5.000 sinaturas do profesorado en catro días A Consellaría de Educación mantén a proposta de eliminar o horario en xornada matinal en xuño e setembro 24/03/2007 Protestan así pola redución de carga horaria nos ámbitos artístico e tecnolóxico, fundamentais na formación básica do alumnado O profesorado de Plástica decide non participar nunhas xornadas da Consellaría de Educación 22/03/2007 A Consellaría retira a proposta de calendario ante a presión sindical Preto de mil profesores/as secundan a mobilización convocada pola CIG-Ensino 21/03/2007 O mércores 21 de marzo, ás 11:30 horas, con saída da Praza da Quintana Manifestación do profesorado de Tecnoloxía, Música e Plástica en Compostela 15/03/2007 Relixión incrementa o mínimo exixido fixado polo MEC, tendo maior carga docente que tecnoloxía, música e educación plástica e visual CIG-Ensino demanda da Consellaría que reconsidere a súa proposta de currículo da ESO 06/03/2007 Denunciou que non se estea fomentando a participación do profesorado na elaboración dos currículos CIG-Ensino lamenta a cerrazón da Consellaría a aceptar propostas de distribución horaria das materias da ESO

Confederación Intersindical Galega www.galizacig.com ÚLTIMA REVISIÓN: 31/03/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta