Actualidade A Coruña, 13 de marzo de 2007 Os traballadores/as non desisten e permanecerán neste céntrico lugar herculino até o 27 de maio A policía desaloxa pola forza a acampada dos funcionarios/as coruñeses no Obelisco   CIG-Comunicación- cig.prensa@galizacig.com   Os traballadores demandan unha valoración digna dos seus postos de traballo e denuncian a actitude do Goberno municipal que, en máis dun ano de conflito, segue a manter posicións inflexíbeis. Os funcionarios, a propia xente presente na zona e familiares dos traballadores organizaron un cordón humano para evitar que a policía impedise a instalación do campamento. Tamén houbo “visitas” inesperadas como a do presidente da Deputación de A Coruña, o concelleiro socialista Salvador Fernández Moreda. Este desafiou aos manifestantes con miradas retadoras e comentarios chulescos. (Fotos: ©galizacig.com 13/03/2007). Pouco antes da unha da madrugada do 13 de marzo, efectivos da Unidade de Intervención Policial da policía española, acompañados por axentes da policía local coruñesa, desaloxaron pola forza aos funcionarios/as municipais que levaban desde a tarde do día anterior acampados no Obelisco. Os traballadores demandan unha valoración digna dos seus postos de traballo e denuncian a actitude do Goberno municipal que, en máis dun ano de conflito, segue a manter posicións inflexíbeis. Os traballadores municipais decidiron acampar no Obelisco ás sete da tarde do pasado 12 de marzo. Pouco antes, xa estaban custodiados por unha desmedida presenza policial. Pese a esta coacción, os funcionarios/as optaron por seguir adiante con esta medida de protesta e indican que permanecerán no lugar até o 27 de maio. Os funcionarios, a propia xente presente na zona e familiares dos traballadores organizaron un cordón humano para evitar que a policía impedise a instalación do campamento. Mais, co paso das horas, oíanse continuamente comentarios acerca de que o desaloxo ía ser inminente. Segundo informan os propios funcionarios coruñeses, a Subdelegación do Goberno español só concedeu permiso para concentrarse, mais non para acampar. Isto trátase dun claro agravio comparativo con mobilizacións anteriores ocorridas na cidade, onde si se acampara na vía pública e se conseguira a pertinente autorización. No decurso da acampada, tamén houbo “visitas” inesperadas como a do presidente da Deputación de A Coruña, o concelleiro socialista Salvador Fernández Moreda. Este desafiou aos manifestantes con miradas retadoras e comentarios chulescos. O desenlace produciuse pouco antes da unha da madrugada do 13 de marzo, cando unha morea de antidisturbios desaloxaron pola forza o campamento, rachando as tendas de campaña e abalanzándose sobre os presentes, ignorando, mesmo, o risco de esmagar as persoas que se atopaban no interior das tendas. Mais, pese a ser esnaquizado o campamento pola policía española, os funcionarios municipais de A Coruña teñen a vontade de ficar no Obelisco até o 27 de maio.

Desaloxo pola forza do campamento O desenlace produciuse pouco antes da unha da madrugada do 13 de marzo... ... cando unha morea de antidisturbios desaloxaron pola forza o campamento... ... rachando as tendas de campaña e abalanzándose sobre os presentes... ... ignorando, mesmo, o risco de esmagar as persoas... .. que se atopaban no interior das tendas. Mais, pese a ser esnaquizado o campamento pola policía española... ... os funcionarios/as municipais de A Coruña teñen a vontade de ficar no Obelisco até o 27 de maio. Descarga o vídeo. (Formato do vídeo: Windows Media Video [wmv], duración: 4'05'', espazo en disco: 6.450.033 bytes [6,5 Mb]).

Confederación Intersindical Galega www.galizacig.com ÚLTIMA REVISIÓN: 13/03/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta