Actualidade Santiago, 8 de marzo de 2007 Vén de sacar á rúa a publicación “Recomendacións para o uso dunha linguaxe non sexista no ensino” CIG-Ensino aposta por avanzar na conciliación e na igualdade   CIG-Comunicación- cig.prensa@galizacig.com   CIG-Ensino vén de sacar á rúa a publicación Recomendacións para o uso dunha linguaxe non sexista no ensino. Este pequeno traballo non é algo totalmente novidoso, pero desde a CIG-Ensino quixeron facer unha adaptación específica ao ámbito educativo, para así poder contar nas aulas cunha serie de pautas a seguir para non discriminar á muller a través da lingua.   “Avancemos na conciliación da vida laboral e familiar” e “Avancemos na igualdade de oportunidades para as mulleres” son os lemas cos que a CIG-Ensino anima ás e aos docentes a celebrar o día 8 de Marzo, Día Internacional da Muller Traballadora, en dúas vertentes: por un lado analizando a situación actual das condicións laborais das traballadoras, en concreto das docentes, e, por outro, a tratar este tema nas aulas co alumnado. Para este último caso a Federación de Ensino da CIG propón varias unidades didácticas, ás que poden acceder na súa páxina web, ou ben traballar cunha publicación que veñen de sacar á rúa: Recomendacións para o uso dunha linguaxe non sexista no ensino. Este pequeno traballo non é algo totalmente novidoso, pero desde a CIG-Ensino quixeron facer unha adaptación específica ao ámbito educativo, para así poder contar nas aulas cunha serie de pautas a seguir para non discriminar á muller a través da lingua. Destaca nesta publicación a introdución feita por Mª Pilar García Negro, profesora de Lingua da Universidade de A Coruña, na que trata da necesidade da renovación lingüística para que a muller non fique invisíbel: “Realidade que non se nomea, realidade que non existe ou existe invisibilizada”. No curso pasado a CIG-Ensino levou a cabo unha campaña en demanda de novas medidas de conciliación da vida laboral e familiar no ensino, facendo especial fincapé na urxente necesidade de posibilitar a acumulación do período de lactación. Esta reivindicación, a da acumulación da lactación, tivo éxito, pois foi unha das medidas que puxo en marcha a Consellaría de Educación, xunto con algunha outra en aplicación das novas leis sobre igualdade e contra a violencia de xénero. Porén, consideran que queda moito camiño que andar aínda, tamén no terreo legal e normativo, pois as citadas leis terán que concretarse noutras, como son a Lei da Función Pública de Galiza, a negociar sen moita demora. Para iso, a CIG-Ensino defenderá unha serie de medidas que, de levarse a cabo, mellorarían notoriamente a conciliación de vida familiar e laboral; medidas todas elas dirixidas a mulleres e homes, na idea de que tamén é necesaria a corresponsabilidade familiar e doméstica.

Confederación Intersindical Galega www.galizacig.com ÚLTIMA REVISIÓN: 08/03/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta