Actualidade Santiago, 15 de marzo de 2007 Relixión incrementa o mínimo exixido fixado polo MEC, tendo maior carga docente que tecnoloxía, música e educación plástica e visual CIG-Ensino demanda da Consellaría que reconsidere a súa proposta de currículo da ESO   CIG-Comunicación- cig.prensa@galizacig.com   O secretario nacional de CIG-Ensino, Anxo Louzao, presentou a posición da central a respecto da proposta da Consellaría de Educación para a aplicación da LOE en Galiza. (Foto: ©galizacig.com)   O secretario nacional de CIG-Ensino, Anxo Louzao, presentou en rolda de prensa a posición da central a respecto da proposta da Consellaría de Educación para a aplicación da LOE en Galiza, nomeadamente no que se refire aos currículos no ensino secundario obrigatorio e as consecuencias derivadas deste proxecto de decreto. No mes de xaneiro publicábase o decreto de ensinanzas mínimas da ESO. Tras coñecer o seu contido, a CIG-Ensino dirixiuse á Consellaría para que intervira diante do Ministerio para modificar esta proposta, a fin de mellorala, pois xa evidenciaba recortes na carga horaria de áreas relevantes na formación do alumnado. Porén, na Mesa Sectorial do día 5 de marzo, a Consellaría presentaba o decreto polo que se regula a ensinanza da ESO en Galiza. Un proxecto que supón un deterioro naqueles aspectos que precisamente se criticaban. Diante disto, CIG-Ensino manifesta que a proposta da Consellaría é desafortunada e pouco compensada, se cadra como consecuencia do proceso acelerado co que se levou a cabo, sen dar lugar a un debate sosegado e reflexivo sobre as consecuencias que esta tería: a área artística redúcese ao mínimo, a área lingüística amplíase até o 36% do total, introducindo unha segunda lingua obrigatoria nos tres primeiros cursos da ESO e relixión incrementa o mínimo exixido fixado polo MEC, tendo maior carga docente que tecnoloxía, música e educación plástica e visual. Estudo comparativo da carga lectiva das materias da ESO   Proposta da Xunta Proposta da CIG Materias ESO 1º 2º 3º 4º   1º 2º 3º 4º   Bioloxía e xeoloxía     2 3 *     2 3 * Ciencias da natureza 4 4       4 4       Ciencias sociais, xeografía e historia 3 3 3 3   3 3 3 3   Educación física 2 2 2 2   2 2 2 2   Educación para a cidadanía e dereitos humanos   2           1     Educación ético-cívica       1         1   Educación plástica e visual 3     3 * 3   2 3 * Fisica e química     2 3 *     2 3 * Informática       3 *       3 * Latín       3 *       3 * Lingua galega e literatura 4 3 3 3   4 3 3 3   Lingua castelá e literatura 3 4 3 3   3 4 3 3   Primeira lingua estranxeira 3 3 3 3   3 3 3 3   Segunda lingua estranxeira 2 2 2 3 * 2 2   3 * Matemática 4 4 4 3   4 4 4 3   Música   3   3 * 2 2   3 * Tecnoloxía       3 *   3 3 3 * Tecnoloxías     4               Relixión 2 1 1 1   1 1 1 1   Proxecto interdisciplinar 1                   Titoría 1 1 1 1   1 1 1 1   Optativa     2 3       2 3   Total 32 32 32 32   32 32 32 32     Proposta da Xunta Proposta da CIG Materias optativas 3º Cultura clásica C. clásica, informática Taller de iniciativas emprendedoras Música, optativa centro Música CC. medioambientais e da saúde Optativa centro Materias optativas 4º Cultura clásica (se non foi cursada) As de 3º e as do * Taller de iniciativas emprendedoras (se non foi cursado) As do * (se non foron cursadas con anterioridade) Optativa centro Educación para a Cidadanía incrementa un 50% ese mínimo; mentres que materias como tecnoloxía redúcense de 7 a 4 horas e a música e a plástica de 5 a 3. Créanse ademais dúas novas asignaturas: proxecto interdisciplinar e iniciativa emprendedora que abordarían aspectos que terían que tratarse de forma transversal tanto nos valores e actitudes que se pretenden inculcar como na orientación práctica e profesional que se lle debería dar ao ensino. A proposta de CIG-Ensino é que Tecnoloxía pase de 4 a 6 horas; música pase de 3 a 4 horas e plástica de 3 a 5 horas. Para iso, proponse reducir unha hora da materia de Educación para a Cidadanía, a supresión da nova asignatura denominada proxecto interdisciplinar, dado que debería ser de aplicación transversal; recuperar 2 horas da 2ª lingua estranxeira que ten previstas 6 e deste xeito pasaría a 4. Alén diso, CIG-Ensino aínda que considera que a materia de relixión non debería formar parte do currículo escolar, entende que unha vez que está nas ensinanzas mínimas obrigatorias, non é lóxico que a Consellaría lle incremente máis o seu horario. Por iso, proponse que se manteña o mínimo obrigatorio. Segunda lingua A este respecto CIG-Ensino entende a ESO como un ensino integral no que non se pode abandonar ningunha das dimensións que hoxe teñen relevancia na vida social, como a área tecnolóxica ou artística. Por iso, non opóndose a que haxa unha segunda lingua obrigatoria considera que a súa implantación debe facerse dunha forma máis matinada para que non provoque unha distorsión no conxunto das materias que son imprescindíbeis para garantir esa formación integral. Diante desta situación CIG-Ensino está a convocar asembleas entre o profesorado para darlle resposta a este despropósito. Ademais, inciará unha recollida de sinaturas e vai solicitar entrevistas cos grupos parlamentarios que sustentan o goberno, BNG e PSOE, agardando que a Consellaría reconsidere a súa postura.

Confederación Intersindical Galega www.galizacig.com ÚLTIMA REVISIÓN: 15/03/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta