|
Actualidade CIG-Comunicación-
Virgilio Hernández é profesor universitario, editor da revista “Entre Voces” e militante de Alternativa Democrática, e con anterioridade militou no movemento Pachakutic. No Ecuador, como en Bolivia, existe unha realidade plurinacional que desde os movementos indíxenas se reivindica coa esixencia de que se recoñeza a todos os efectos, tanto a nivel cultural e lingüístico como administrativo. Rafael Correa apresentouse ás eleicións con “Movimiento País”, contou co apoio do Partido Socialista, e acadou na segunda volta un 56% dos votos fronte ao neoliberal Xavier Noboa, rico empresario. Na candidatura de Correa ía como vicepresidente Lenin Moreno. Lembremos que Ecuador é unha nación de 283.000 quilómetros cadrados e uns 14 millóns de habitantes. O país esténdese pola costa do Pacifico, as terras andinas e a zona amazónica. Limita con Colombia e Perú. Produce petróleo. A maioría da povoación é de etnias indíxenas, que estiveron secularmente oprimidas e marxinadas. Nas últimas décadas desenvolveuse unha forte mobilización dos movementos sociais, especialmente das etnias indíxenas, ao mesmo tempo que aumentaba a dependencia exterior, se dolarizaba a economía, e aumentaba a estratificación social. |
|||||||||
|
|||||||||
|
ÚLTIMA REVISIÓN: 22/03/2007 |
|||||||||
|
