Actualidade Vigo, 16 de marzo de 2007 A protesta foi convocada por organizacións políticas, sociais e sindicais, entre as que estaba o Sindicato Mexicano de Electricistas Manifestacións contra Bush en México   CIG-Comunicación- cig.prensa@galizacig.com   A protesta foi convocada por varias organizacións políticas, sociais e sindicais, entre as que estaba o Sindicato Mexicano de Electricistas, que o venres realizou ademais unha exitosa mobilización contra a carestía da vida. (Fotos: ©galizacig.com 13/03/2007). Fronte a Embaixada dos Estados Unidos fíxose un mitin, que foi escoitado pola maioría dos presentes. Da outra banda do muro metálico había un importe corpo de seguridade, con cascos e escudos. Descarga o vídeo. (Formato do vídeo: Windows Media Video [wmv], duración: 9', espazo en disco: 23.958.930 bytes [22,8 Mb]).   Tanto en Mérida como en cidade de México houbo o martes 13 mobilizacións contra a visita do presidente norteamericano George Bush. Na capital de México manifestáronse varios miles de persoas que se dirixiron pola rúa Reforma ate a Embaixada norteamericana, diante da que se concentraron durante varias horas. A protesta foi convocada por varias organizacións políticas, sociais e sindicais, entre as que estaba o Sindicato Mexicano de Electricistas, que o venres realizou ademais unha exitosa mobilización contra a carestía da vida. Fronte a Embaixada dos Estados Unidos fíxose un mitin, que foi escoitado pola maioría dos presentes. Da outra banda do muro metálico había un importe corpo de seguridade, con cascos e escudos. Unha parte dos manifestantes guindou pedras á policía e intentou botar abaixo algunha das reixas metálicas, mentres que desde o palco os oradores pedían calma e unidade. A policía non tardou moito en guindar botes de fume e, a medida que se ían quentando os ánimos, os “granadeiros” (policía especial) aumentaron a represión e cargaron contra os concentrados, causando algúns feridos e detendo a varias persoas. No seguinte vídeo pódense ollar tanto esceas da manifestación como da concentración posterior, así como o que acontecía arredor do palco e os enfrontamentos, a uns 50 metros, entre algúns grupos presentes na mobilización e policías.

Confederación Intersindical Galega www.galizacig.com ÚLTIMA REVISIÓN: 16/03/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta