|
Actualidade
Santiago, 23 de marzo de 2007
A CIG respaldou, desde o inicio, ás
demandas dos traballadores
O Congreso aproba que os traballadores das auxiliares do carbón se beneficien das prexubilacións
e recolocacións
| |
 |
| O parlamentar nacionalista repasou a discriminación
histórica que as minas galegas de lignito pardo padeceron cando se acordou o Plano Miner I, “despois de
moitas mobilizacións sociais, esa discriminación foi agora paliada no Plano Miner II a través
das relacións mantidas entre o Goberno bipartito galego e o Ministerio de Industria”, afirmou Francisco
Rodríguez, quen puntualizou que “hai cuestións parciais sen resolver” en referencia á situación
e o futuro dos traballadores das auxiliares. |
| |
O BNG conseguiu consensuar no Congreso un acordo
co PP e co PSOE para que os traballadores das empresas auxiliares das minas de lignito pardo de As Pontes e Meirama
se beneficien das prexubilacións e recolocacións. A proposta foi presentada o pasado 20 de marzo
polo deputado nacionalista Francisco Rodríguez na Comisión de Industria.
O acordo pactado polo deputado do BNG co Grupo
Socialista e co Grupo Popular consta de dous puntos. Un relativo á cuestión das prexubilacións
dos empregados destas empresas auxiliares que insta ao Goberno a “manter criterios, en relación coas prexubilacións
do personal das compañías auxiliares pertencentes ás minas de lignito pardo, que permitan
a súa incorporación ás empresas principais, sempre que reúnan os requisitos para a
súa prexubilación ao amparo do Plano do Carbón 2006-2012, e a través de acordos cos
sindicatos”.
E o outro ponto do acordo empraza ao Executivo
a “dar prioridade aos proxectos empresariais presentados polo Goberno galego, aprobando axudas na súa máxima
intensidade, estabelecidas no Plano do Carbón 2006-2012, para todos os proxectos que cumpran os requisitos,
e dese xeito, facilitar a instalación de novas industrias que posibiliten a recolocación dos excedentes
mineiros”.
A Comisión de Industria debatía
unha proposición non de lei do deputado do BNG, Francisco Rodríguez, sobre a desprotección
e a problemática laboral na que se atopan os traballadores das empresas auxiliares das minas de lignito
pardo de Endesa Generación de As Pontes, e da empresa Limeisa en Cerceda, minas que rematan a súa
explotación mineira en decembro deste ano 2007. “Trátase de non esquecer que hai traballadores de
subcontratas que levan máis de 20 e 30 anos de actividade”, afirmou na súa intervención Rodríguez.
Rodríguez aceitou transaccionar un texto
final co Grupo Socialista e co Grupo Popular, propiciando así a unanimidade da Cámara.
O parlamentar nacionalista repasou a discriminación
histórica que as minas galegas de lignito pardo padeceron cando se acordou o Plano Miner I, “despois de
moitas mobilizacións sociais, esa discriminación foi agora paliada no Plano Miner II a través
das relacións mantidas entre o Goberno bipartito galego e o Ministerio de Industria”, afirmou Francisco
Rodríguez, quen puntualizou que “hai cuestións parciais sen resolver” en referencia á situación
e o futuro dos traballadores das auxiliares.
O deputado nacionalista describiu o estado actual
no que “existen contradicións e solucións dispares, xa que en Cerceda non hai expectativas para os
traballadores e traballadoras das subcontratas, e en As Pontes existen un acordo que recolle a parte, non a totalidade
dos empregados das auxiliares”. Lembrou asemade o acordo acadado no Parlamento galego á raíz dunha
proposición non de lei do BNG sobre este tema.
|
