ActualidadeVolver a Actualidade


Vigo, 24 de marzo de 2007

Protestan así pola redución de carga horaria nos ámbitos artístico e tecnolóxico, fundamentais na formación básica do alumnado
O profesorado de Plástica decide non participar nunhas xornadas da Consellaría de Educación

 

CIG-Comunicación-

cig.prensa@galizacig.com


  Concentración xornadas Plástica; clic para aumentar
As/os asistentes decidiron non participar nas xornadas para o profesorado de Plástica, polo que tiveron que ser suspendidas. (Foto: ©galizacig.com 23/03/2007).
 
O venres 23 de marzo estaban previstas unhas xornadas de Plástica, para o profesorado galego desta materia, organizadas pola Consellaría de Educación, que ían ser inauguradas pola directora xeral de Innovación e Ordenación Educativa. As/os asistentes decidiron non participar nestas xornadas, polo que tiveron que ser suspendidas.

Segundo explica CIG-Ensino, esta é unha mostra do rexeitamento dos e das docentes ao trato que a conselleira quere dar ás materias de Plástica, Música e Tecnoloxía na ESO, reducindo a súa carga horaria nun 40% nas dúas primeiras materias e nun 43% en Tecnoloxía e impedindo, polo tanto, unha formación integral do alumnado.

Esta é unha medida máis das que a CIG-Ensino está levando a cabo para que a Consellaría mude de posición, co obxecto de conseguir un maior equilibrio entre as diferentes áreas, que pasa por outorgar maior carga horaria obrigatoria ás materias de Tecnoloxía, Música e Plástica na ESO. Estas materias teñen menos carga horaria lectiva que outras disciplinas como Relixión que incrementa a súa.


Entrega de sinaturas

CIG-Ensino informa que o luns, día 26, ás 11 da mañá, no rexistro da Consellaría de Educación en Santiago, fará a primeira de varias entregas de sinaturas en defensa dunha maior carga horaria das materias de Tecnoloxía, Música e Plástica na ESO para acadar unha formación integral e completa do alumnado.

 
 
Informacións relacionadas
22/03/2007 A Consellaría retira a proposta de calendario ante a presión sindical
Preto de mil profesores/as secundan a mobilización convocada pola CIG-Ensino
21/03/2007 O mércores 21 de marzo, ás 11:30 horas, con saída da Praza da Quintana
Manifestación do profesorado de Tecnoloxía, Música e Plástica en Compostela
15/03/2007 Relixión incrementa o mínimo exixido fixado polo MEC, tendo maior carga docente que tecnoloxía, música e educación plástica e visual
CIG-Ensino demanda da Consellaría que reconsidere a súa proposta de currículo da ESO
06/03/2007 Denunciou que non se estea fomentando a participación do profesorado na elaboración dos currículos
CIG-Ensino lamenta a cerrazón da Consellaría a aceptar propostas de distribución horaria das materias da ESO
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 24/03/2007
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta