Actualidade A Coruña, 29 de marzo de 2007 O paro foi total nas minas de Meirama e As Pontes Seguimento do 100% da folga convocada pola CIG nas empresas auxiliares do carbón   CIG-Comunicación- cig.prensa@galizacig.com   Os operarios das empresas auxiliares das minas de lignito de Meirama e de As Pontes secundaron ao 100% a xornada de folga do 28 de marzo que fora convocada pola CIG en nome das asembleas de traballadores. (Fotos: ©galizacig.com 28/03/2007). Os operarios da mina de Meirama cortaron durante media hora o tráfico da estrada N-550 á altura de Mesón do Vento (Ordes). Este acto de protesta contou co apoio da Asociación de Veciños de A Lousa (Cerceda), colectivo que anunciou que respaldará as vindeiras mobilizacións que protagonicen os traballadores das auxiliares.   Os operarios das empresas auxiliares das minas de lignito de Meirama e de As Pontes secundaron ao 100% a xornada de folga do 28 de marzo que fora convocada pola CIG en nome das asembleas de traballadores. Os empregados demandan unha solución laboral ao seu futuro perante o peche da actividade extractiva destas dúas concas galegas, previsto para finais deste ano. Os traballadores das auxiliares de Meirama reclaman, ao igual que os seus compañeiros de As Pontes, recolocacións e plans de prexubilacións. Censuran a Fenosa, propietaria de Lignitos de Meirama (Limeisa), por desentenderse deles que, durante todo estes anos, contribuíron á auxe e consolidación da empresa. Paulo Carril, secretario comarcal da CIG-A Coruña, subliñou o éxito desta primeira xornada de loita. Recriminou a CCOO e UGT que fixesen “todo o posíbel para boicotear a folga” e por ter asinado en Madrid o Plano Miner II “esquecendo e conculcando os dereitos do persoal das empresas auxiliares da minaría galega”. Para Carril, o seguimento rotundo que tivo este primeiro paro “evidencia outro fracaso máis de CCOO e UGT”. Alejandro Barreiro, voceiro dos traballadores das auxiliares da mina de Meirama, asegurou que só traballaron os servizos mínimos. Apuntou que, de non cambiar radicalmente a actitude de Limeisa, o calendario de mobilizacións seguirá adiante. Pola súa banda, Juan José Díaz, portavoz da Coordinadora de Traballadores das Auxiliares do Carbón de As Pontes, sinalou que o ánimo dos operarios está moi alto despois deste primeiro día de folga. “As protestas hanse endurecer se non hai resposta satisfactoria por parte da patronal”, engadiu. Corte tráfico en Mesón do Vento Os operarios da mina de Meirama cortaron durante media hora o tráfico da estrada N-550 á altura de Mesón do Vento (Ordes). Este acto de protesta contou co apoio da Asociación de Veciños de A Lousa (Cerceda), colectivo que anunciou que respaldará as vindeiras mobilizacións que protagonicen os traballadores das auxiliares. Próximas xornadas de folga 10 de abril, 11 de abril, 17 de abril, 18 de abril e 19 de abril.

Informacións relacionadas 23/03/2007 A CIG respaldou, desde o inicio, ás demandas dos traballadores O Congreso aproba que os traballadores das auxiliares do carbón se beneficien das prexubilacións e recolocacións 14/03/2007 Os dereitos dos operarios das auxiliares seguen sen ser recoñecidos A CIG apoia convocatoria a folga dos traballadores das minas de lignito de Meirama e As Pontes 29/01/2007 Lignitos de Meirama segue negándose a incorporar estes operarios ante o peche da mina de Cerceda o 31 de decembro de 2007 A CIG urxe á Comisión do Plano Miner II e a Limeisa unha solución global aos traballadores das auxiliares do carbón 04/10/2006 Máis de 500 persoas demandan alternativas para os traballadores das auxiliares de Meirama en Ordes 30/09/2006 Demandan solucións para os 220 despedimentos que provocará o peche da mina Apoio masivo dos Comités de Empresa das auxiliares á manifestación convocada para o sábado en Ordes 26/09/2006 Os traballadores ratificaron en asemblea a convocatoria de manifestación para o día 30 en Ordes Limeisa mantén o desinterese polos 220 despedimentos que provocará o peche da mina de Cerceda 20/09/2006 Convocan unha manifestación en Ordes o sábado 30 de setembro Os traballadores das auxiliares de Meirama exixen que se efectivicen as prexubilacións e recolocacións 27/07/2006 Novas xornadas de folga na minaría do carbón de Cerceda e As Pontes 20/07/2006 A CIG considera un descrédito para CCOO e UGT, que non se sumaron á folga Comezou a folga nas minas de carbón cun seguimento do 100% 14/07/2006 Hai un compromiso de acordo sen ratificar pola ausencia de Endesa na xuntanza e a mobilización se mantén A CIG fai un chamamento a CCOO e UGT para que secunden a folga nas minas de Cerceda e As Pontes 12/07/2006 Desde as 23:00 horas do 19 de xullo até as 24:00 horas día 20, e desde as 23:00 horas do 25 de xullo ás 24:00 horas do 27 Anúnciase convocatoria de folga nas minas galegas do Carbón, Limeisa e Endesa e Auxiliares 16/05/2006 O BNG demanda no Parlamento de Galiza medidas para os traballadores das auxiliares do carbón 08/05/2006 Galiza discriminada no Plan do Carbón asinado por CCOO e UGT 10/03/2006 Só recibirá 135 dos 195 millóns que lle corresponderían tendo perdido xa 140 no período 1998-2005 A CIG considera que o reparto dos fondos do Plan do Carbón 2006-2012 discriminan a Galiza 26/01/2006 No período 1998-2005 tan só recibiu 64 dos 200 millóns que lle correspondían Galiza discriminada no reparto de fondos mineiros

Confederación Intersindical Galega www.galizacig.com ÚLTIMA REVISIÓN: 29/03/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta