|
Actualidade CIG-Comunicación-
Negan por activa e por pasiva a perda de poder adquisitivo, explicando que cada convenio é un todo, e que cada negociación debe comezar de cero. Fan unha referencia ás cláusulas pactadas nos anos 2003-2004 e 2005-2006, período no que todos os traballadores e traballadoras perdemos poder adquisitivo segundo o IPC, xa que estas cláusulas non tiñan carácter retroactivo.
Suba Salarial: non fan contraproposta, negan a perda salarial acumulada e propoñen que se o IPC real a fin de ano é máis baixo que a suba que se estableza, o persoal debería devolver o salario cobrado de máis. Bolsa de vacacións: pretenden unha corrección da Bolsa de Vacacións establecendo unha media dos importes actuais e aplicándoa para todo o ano, independentemente do período vacacional que se disfrute, o que implica unha nova perda salarial. Paga de beneficios: rexeitan calquera tipo de modificación que mellore a participación do persoal nos beneficios. Retribucións en especie: propoñen incorporalas como un concepto retributivo máis na estrutura salarial do convenio.
No que respecta ás retribucións en especie, consideramos interesante a proposta polo que supón de aforro fiscal, pero para que isto sexa así os nosos salarios deberían ser decentes e non os que percibimos agora. Insistimos na perda histórica de poder adquisitivo e na necesidade de resolver esta débeda salarial acumulada. É imprescindible ánimo e vontade de negociar propostas concretas por parte da patronal e debe facerse unha adecuación entre salario, perda de poder adquisitivo e os inxentes beneficios que están a recoller os bancos, e lle lembramos á patronal que os artífices máis importantes da boa marcha das empresas somos os seus traballadores e traballadoras. O tema da xornada quedou atrasado para o vindeiro día 20, no que teremos reunións de mañá e tarde. Seguiremos informando...
|
|||||||||||||||
|
|||||||||||||||
|
ÚLTIMA REVISIÓN: 16/03/2007 |
|||||||||||||||
|
