ActualidadeVolver a Actualidade


Santiago, 1 de maio de 2007

Denuncia as manobras antidemocráticas e sectarias da Consellaría
para desmobilizar ao profesorado

A CIG-Ensino mantén a convocatoria de folga para o próximo día 3 de maio

 

CIG-Comunicación-

cig.prensa@galizacig.com


  Concentración Ourense xornada matinal xuño e setembro; clic para aumentar
CIG-Ensino ten convocadas asembleas en todo o país para informar dos contidos do preacordo e para escoitar a opinión do sector. As asembleas continuarán por todos os centros o próximo mércores 2 de maio para insistir na importancia de ir á folga o vindeiro día 3 e á manifestación que terá lugar ás 11:30 horas, con saída da praza do Toural, en Santiago, até as dependencias da Consellaría de Educación. (Foto: Profesoras e profesores concentrados o 18 de abril en todo o país amosaron seu rexeitamento á eliminación da xornada lectiva continuada en horario matinal nos meses de xuño e setembro. ©galizacig.com).
 
A CIG-Ensino vén de reiterar a súa decisión de manter a convocatoria de folga para o próximo día 3 de maio, en demanda do mantemento da xornada continuada e reducida nos meses de xuño e setembro. A CIG-Ensino acusou á Consellaría de actuar de forma “antidemocrática, parcial e partidaria” por intentar desmobilizar ao profesorado cunha proposta que non dá resposta a ningunha das súas reivindicacións.

O secretario nacional da CIG-Ensino, Anxo Louzao, asegurou que dado o contido do preacordo asinado “sería unha fraude aceptalo” xa que non contempla as principais demandas do profesorado.

A proposta da Consellaría supón a desaparición definitiva da xornada reducida nos meses de xuño e setembro, co beneplácito dos sindicatos asinantes, e non garante a xornada continuada nestes meses, deixando unicamente aos centros o dereito de solicitala. A concesión desta xornada tería que pasar primeiro polo Consello Escolar e posteriormente a Consellaría decidiría en función da dispoñibilidade de transporte escolar se se concede ou non, algo que xa manifestaron que non poden garantir.

Para a CIG-Ensino o preacordo só ten como obxectivo desconvocar a folga, tal e como recoñecen no propio título do texto. Mais precisamente, as organizacións asinantes non eran as que tiñan a iniciativa desta folga, senón que se sumaran a ela xa de xeito forzado.

Deste xeito, CIG-Ensino ten convocadas asembleas en todo o país para informar dos contidos do preacordo e para escoitar a opinión do sector. As asembleas continuarán por todos os centros o próximo mércores 2 de maio para insistir na importancia de ir á folga o vindeiro día 3 e á manifestación que terá lugar ás 11:30 horas, con saída da praza do Toural, en Santiago, até as dependencias da Consellaría de Educación.


A manobra do preacordo

Para a CIG-Ensino é de especial gravidade que a Consellaría eludira ao organismo legal de representación do profesorado, que é a Mesa Sectorial, que se reunira por separado coas organizacións sindicais, e que se asinara un acordo con parte delas sen terllo trasladado á CIG, organización maioritaria no sector, co 40% da representatividade. Isto, feito en fin de semana, con nocturnidade e alevosía, mentres os centros de ensino estaban pechados e impedindo o funcionamento normal dos organismos.

Á CIG-Ensino parécelle indecente o comportamento das organizacións sindicais, que non tendo feito nada neste asunto, e mesmo criticando que “nos movéramos por este tema, agora sexan quen asinen, en nome do profesorado, pasando por riba das miles de sinaturas entregadas pola CIG-Ensino e os pronunciamentos dos claustros e o sentir de todo o sector, en defensa do mantemento da xornada reducida e continuada”.
Segundo os datos que manexa a CIG-Ensino, a folga será un éxito, xa que neste intre o profesorado está especialmente indignado polo proceder da Consellaría e das outras organizacións sindicais asinantes.

 
 
Informacións relacionadas
27/04/2007 Está convocada en defensa do mantemento da xornada matinal continua
Fixados sen acordo os servizos mínimos da folga do 3 de maio no Ensino
25/04/2007 Fixo ademais entrega dunha nova remesa doutras 1.200 sinaturas do profesorado
CIG-Ensino dá cabazas a Educación en repulsa á imposición da eliminación da xornada continuada matinal
20/04/2007 CIG-Ensino e STEG convocan folga o xoves 3 de maio e manifestación en Compostela ás 11:30 desde a praza do Toural
Máis de 2.300 profesores/as concentráronse polo mantemento da xornada matinal en xuño e setembro
18/04/2007 O mércores 18 ás 19:00 horas en todas as Comarcas
CIG-Ensino convoca a todo o profesorado a concentrarse contra a proposta de calendario da Consellaría
17/04/2007 A eliminación desta pode ter unha incidencia negativa no alumnado
CIG-Ensino entrega no rexistro de Educación 6.425 sinaturas contra a supresión da xornada continuada
14/04/2007 Máis de un millar de mestres participaron na manifestación convocada en Compostela
O profesorado de Tecnoloxía, Plástica e Música súmase maioritariamente á folga pola maior carga horaria
11/04/2007 Paro e manifestación en Compostela o xoves 12 de abril polo recorte horario de Música, Tecnoloxía e Plástica
CIG-Ensino anuncia mobilizacións contra a proposta de calendario presentada pola Consellaría de Educación
31/03/2007 A CIG-Ensino valora positivamente esta decisión
A Consellaría de Educación vai reconsiderar a proposta de cargas lectivas da ESO
28/03/2007 CIG-Ensino lamenta esta posición inamovíbel a pesar de avalar a demanda máis de 5.000 sinaturas do profesorado en catro días
A Consellaría de Educación mantén a proposta de eliminar o horario en xornada matinal en xuño e setembro
24/03/2007 Protestan así pola redución de carga horaria nos ámbitos artístico e tecnolóxico, fundamentais na formación básica do alumnado
O profesorado de Plástica decide non participar nunhas xornadas da Consellaría de Educación
22/03/2007 A Consellaría retira a proposta de calendario ante a presión sindical
Preto de mil profesores/as secundan a mobilización convocada pola CIG-Ensino
21/03/2007 O mércores 21 de marzo, ás 11:30 horas, con saída da Praza da Quintana
Manifestación do profesorado de Tecnoloxía, Música e Plástica en Compostela
15/03/2007 Relixión incrementa o mínimo exixido fixado polo MEC, tendo maior carga docente que tecnoloxía, música e educación plástica e visual
CIG-Ensino demanda da Consellaría que reconsidere a súa proposta de currículo da ESO
06/03/2007 Denunciou que non se estea fomentando a participación do profesorado na elaboración dos currículos
CIG-Ensino lamenta a cerrazón da Consellaría a aceptar propostas de distribución horaria das materias da ESO
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 01/05/2007
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta