Actualidade A Coruña, 9 de maio de 2007 Instan ao Concello a que elabore o PXOM para garantir a continuidade do estabelecemento Os traballadores/as do Hotel Sarga de Cabanas bótanse á rúa en defensa dos seus postos   CIG-Comunicación- cig.prensa@galizacig.com   Coincidindo coa manifestación do 8 de maio, o comercio de Cabanas pechou en solidariedade co cadro de persoal do Hotel Sarga. (Fotos: ©galizacig.com 08/05/2007). Descarga o vídeo. (Formato do vídeo: Windows Media Video [wmv], duración: 1'24'', espazo en disco: 5.517.228 bytes [5,26 Mb]).   Os perto de corenta traballadores/as do Hotel Sarga de Cabanas botáronse á rúa o 8 de maio en defensa dos seus postos. Amosan a súa preocupación perante un posíbel peche do estabelecemento e instan ao Concello a que modifique as normas subsidiarias da zona para asegurar a pervivencia do recinto hoteleiro. A CIG-Ferrol está a apoiar as mobilizacións. Coincidindo coa manifestación do 8 de maio, o comercio de Cabanas pechou en solidariedade co cadro de persoal do Hotel Sarga. Este estabelecemento, que permanece aberto 8 meses ao ano, comezará a nova temporada dous meses máis tarde do habitual. Os empregados/as interpretan esta demora como un síntoma do posíbel peche do recinto. O grupo propietario do Sarga non pode acometer obras de mellora do edifico debido a unha denuncia presentada por un veciño próximo ao partido Iniciativa Veciñal Cabanesa (IVC). Os traballadores/as sinalan que, detrás da actuación do denunciante, existen intereses sobre os terreos do hotel. Os empregados/as temen que, ante os obstáculos urbanísticos para acometer os traballos de modernización do edificio, o grupo propietario opte por pechalo. Explican que o Hotel Sarga é a maior empresa do Concello de Cabanas. Por tanto, os traballadores esixen á Corporación municipal que se conciencie da gravidade do problema e que elabore un Plano Xeral de Ordenación Municipal que garanta a continuidade deste estabelecemento hoteleiro.

Confederación Intersindical Galega www.galizacig.com ÚLTIMA REVISIÓN: 09/05/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta