|
Actualidade CIG-Comunicación-
Por parte da CIG rexeitamos a proposta da patronal bancaria en base ás seguintes cuestións: • Un convenio con tan escaso contido social non será asinado polo noso sindicato e moito menos por catro anos. • Hai reivindicacións na nosa Plataforma que consideramos de gran importancia e que non son tratadas na proposta da AEB. • De ningún xeito podemos aceptar a pretendida eliminación do termo “vacantes” no artigo 30 do Convenio, pois suporía unha perda de garantías e un aumento na versatilidade do mesmo artigo, xa que elimina unha limitación importante á mobilidade xeográfica e abre a vía para traslados indiscriminados. Tampouco aceptamos que as empresas podan trasladar ao persoal ata os 30 quilómetros. • Calquera acordo debe contemplar a libranza dos sábados. • A súa oferta salarial representa unha nova perda de poder adquisitivo. Insistimos na necesidade de impulsar medidas que permitan aos traballadores e traballadoras participar da boa marcha das empresas. Como contestación, a patronal retirou a proposta de ampliar a mobilidade ata os 30 quilómetros, pero mantén a proposta de eliminar o termo “vacantes”. AEB pide unha reflexión por ambas partes cara a vindeira reunión prevista para o día 7 de xuño. En todo caso a reflexión por parte da CIG xa está feita: se queremos que a patronal se mova, teremos que movernos.
|
|||||||||||||||
|
|||||||||||||||
|
ÚLTIMA REVISIÓN: 19/05/2007 |
|||||||||||||||
|
