ActualidadeVolver a Actualidade


A Coruña/Santiago, 6 de xuño de 2007

Os traballadores afectados polo trazado do tren de alta velocidade desconvocan temporalmente as medidas de presión
ADIF comprométese a presentar nunha semana un novo informe sobre o impacto do AVE na mina de Serrabal

 

CIG-Comunicación-

cig.prensa@galizacig.com


  Traballadores Serrabal corte tráfico en A Coruña; clic para aumentar
Uns catrocentos operarios procedentes de Arteixo, Cee e Vedra cortaron o tráfico na Praza de Ourense en dúas ocasións ao longo da tarde, para visibilizar o seu enfado perante a falta de compromiso de Fomento e do presidente do Goberno galego.
Concentración na Delegación do Goberno de A Coruña; clic para aumentar
Concentración na Delegación do Goberno de A Coruña; clic para aumentar
Suso Seixo, secretario xeral da CIG, participou na reunión con ADIF e declarou, ao remate da mesma, que “ao Ministerio de Fomento e a Xunta non lles queda máis remedio que modificar o trazado”. (Fotos: ©galizacig.com 05/06/2007).
 
Peche no Concello de Vedra
Peche traballadores no Concello de Vedra; clic para aumentar
Os traballadores da mina de Serrabal e de Ferroatlántica en Cee e Sabón (Arteixo) ocuparon, desde a mañá até a tarde do 5 de xuño, os concellos de Cee, Vedra e Arteixo
Peche traballadores no Concello de Vedra; clic para aumentar
Peche traballadores no Concello de Vedra; clic para aumentar

Peche no Concello de VedraDescarga o vídeo. (Formato do vídeo: Windows Media Video [wmv], duración: 4'36'', espazo en disco: 23.943.244 bytes [22,8 Mb]). Realización: César Caramés.

 
Peche no Concello de Cee
Concentración traballadores Ferroatlántica Concello Cee; clic para aumentar

Peche no Concello de CeeDescarga o vídeo. (Formato do vídeo: Windows Media Video [wmv], duración: 2'15'', espazo en disco: 16.942.547 bytes [16,1 Mb]). Realización: Roi Ribeira.

 
Peche no Concello de Arteixo
Concentración e peche no Concello Arteixo; clic para aumentar
Concentración e peche no Concello Arteixo; clic para aumentar
 
ADIF (Administrador de Infraestruras Ferroviarias) comprometeuse a presentar no prazo dunha semana un novo informe sobre o impacto do trazado do AVE a seu paso pola mina de Serrabal, logo dunha xuntanza mantida o 5 de xuño en A Coruña con representantes sindicais e cos conselleiros de Industria, Traballo e Política Territorial. Tras coñecer esta medida, os traballadores desconvocaron os peches nas casas consistoriais de Vedra, Cee e Arteixo, que iniciaran ese mesmo día pola mañá.

Suso Seixo, secretario xeral da CIG, participou na reunión con ADIF e declarou, ao remate da mesma, que “ao Ministerio de Fomento e a Xunta non lles queda máis remedio que modificar o trazado”. Seixo asegurou que o Goberno español ten que reconsiderar o trazado actual do AVE no caso de confirmarse que a zona afectada é a de maior valor mineiro, tal como defenden os traballadores. Nesta superficie é onde se extrae o silicio de máis calidade que, ademais, é apto para a súa transformación en paneis solares. “O presidente de ADIF díxonos que non quere que se perdan postos de traballo. Pois a ver se é certo e realmente lle importan os traballadores”, subliñou Seixo.

O secretario xeral da CIG explicou que o novo informe de impacto será elaborado por técnicos da Xunta e por expertos propostos polos sindicatos, ademais do mesmo persoal da Universidade de Oviedo que fixo o estudo para ADIF no que tan só valora nun 10% a superficie afectada da mina.

Porén, Seixo adiantou que, se ADIF non cumpre co compromiso adquirido o 5 de xuño en A Coruña, os traballadores retomarán novamente as medidas de presión na defensa dos seus postos.

Ao mesmo tempo que se estaba a celebrar esta xuntanza na Delegación do Goberno español, no exterior, uns catrocentos operarios procedentes de Arteixo, Cee e Vedra cortaron o tráfico na Praza de Ourense en dúas ocasións ao longo da tarde, para visibilizar o seu enfado perante a falta de compromiso de Fomento e do presidente do Goberno galego.


Peches nos concellos

Os traballadores da mina de Serrabal e de Ferroatlántica en Cee e Sabón (Arteixo) ocuparon, desde a mañá até a tarde do 5 de xuño, os concellos de Cee, Vedra e Arteixo co obxectivo de que estas corporacións municipais esixan á Xunta de Galiza un posicionamento sen ambigüidades sobre o cambio de trazado do TAV ao seu paso pola mina de Serrabal. Estes concellos xa aprobaron no seu día mocións a favor da modificación da liña e en defensa dos postos de traballo.

Esta foi a primeira acción que realizaron despois de que anunciasen días atrás que ían retomar as mobilizacións, logo de que a ministra de Fomento declarase no Congreso a súa oposición ao cambio de trazado porque, segundo ela, demoraría o remate das obras en dous anos.

Fronte ás declaracións da ministra, os traballadores consideran imprescindíbel que se garanta a explotación de Serrabal para que se manteñan os postos de traballo e que se poida seguir extraendo o mineral do que se obtén o silicio solar, a partir do que se fabrican os paneis solares. Este mineral, pola súa altísima calidade e pureza, ten un valor no mercado, por tonelada, de entre 100.000 e 150.000 euros mentres que o prezo do seixo normal oscila entre os 3.000 e 3.500 euros por tonelada.

A afectación da mina por esta infraestrutura tería repercusións tamén nas fábricas de Ferroatlántica en Sabón e Cee. De feito, os traballadores entenden que suporía unha grande perda polos investimentos que ten feito a propia Xunta de Galiza en concepto de I+D na planta de Sabón, onde se construíron tres novos fornos destinados precisamente á produción de silicio solar.

Serrabal é a única explotación mineira na que se obtén silicio solar de toda Europa. De pecharse a mina, o mineral podería traerse de Sudáfrica. Porén os custos por tonelada e os custos do transporte non farían rendíbel manter a fabricación na Galiza e imposibilitarían, a maiores, que no país se puidese afianzar a fabricación das placas solares. Unha industria punteira, máis nun momento no que se están poñendo en marcha planos para diversificar as fontes de produción enerxética.

Por iso, os traballadores esixen do Goberno galego que se posicione, non sobre o problema técnico que puidera derivar da modificación do trazado, senón mesmo sobre as alternativas laborais e industriais que se frustrarían se este non se cambia.


Emigración

Os traballadores de Serrabal demandan, ademais, o mantemento dos seus postos de traballo pero tamén os que se poderían xerar no futuro. Parten da evidencia de que tanto o Concello de Vedra como o Concello de Boqueixón pertencen a unha comarca case sen industrializar, onde esta mina é das poucas alternativas laborais que existen.

Preguntados sobre as alternativas existentes na zona no caso de confirmarse o peche da explotación, son contundentes: “o único que quedaría para nós e para os nosos rapaces sería emigrar a Canarias”.

 
 
 
Informacións relacionadas
05/06/2007 Anuncian accións sorpresa para presionar á Administración galega e a Fomento
Os traballadores de Serrabal exixen o posicionamento da Xunta sobre o trazado do TAV “sen ambigüidades”
28/04/2007 Comprometeuse a respostar en 15-20 días e se non é así adoptaranse medidas
Touriño acepta estudar o cambio de trazado do TAV ao seu paso por Serrabal
24/04/2007 Arredor de 2.000 persoas participaron na manifestación celebrada en Compostela
Demandan o cambio de trazado do TAV para garantir os postos de traballo de Serrabal e Ferroatlántica
14/04/2007 Demandan o cambio de trazado do TAV para garantir os postos de traballo
Os Comités de Ramsa e Ferroatlántica en Cee e Sabón convocan unha manifestación para o sábado 21
21/03/2007 Desde o 2003 piden á Administración un cambio de trazado do TAV que posibilite a explotación e garanta os postos de traballo
O conselleiro de Industria, Fernando Blanco, apoia ás demandas dos traballadores da mina de Serrabal
15/03/2007 Os conselleiros de Industria e Traballo confirman que recibirán aos comités de Empresa
Traballadores de Ferroatlática cortan o tráfico diante da Xunta en demanda dun cambio de trazado
25/11/2006 Demandan un trazado alternativo do Tren de Alta Velocidade
Os traballadores da Mina de Serrabal cortan o tráfico na estrada entre Santiago e Ourense
06/10/2006 Os traballadores da mina do Serrabal paralizan as obras do TAV en demanda dun cambio do trazado
18/08/2006 CIG-Metal manifesta a súa oposición ao trazado do TAV ao seu paso por Vedra e Boqueixón
09/08/2006 Para garantir a viabilidade da explotación mineira e o mantemento da totalidade dos postos de traballo
Os traballadores da mina de Serrabal seguen a mobilizarse por unha modificación do trazado do TAV
29/07/2006 Critica que se centre o problema nos cartos ao empresario e non nos postos de traballo
CIG-Químicas cuestiona a indemnización de 325 millóns a Villar Mir polo peche da mina de Serrabal
14/07/2006 Demandan un cambio de trazado do AVE para que se manteñan os postos de traballo
Os traballadores de Ramsa e Ferroatlántica en Sabón e Cee concéntranse en San Caetano
07/04/2006 Os traballadores de RAMSA preocupados polas informacións publicadas a respecto do trazado do AVE
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 07/06/2007
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta