ActualidadeVolver a Actualidade


Vigo, 9 de xuño de 2007

IV Convenio de Telemárketing
Convenio colectivo afastado da realidade do sector
 

CIG-Comunicación-

cig.prensa@galizacig.com


  CIG-Telemárketing, clic para aumentar
Dende o inicio da negociación colectiva do Convenio Colectivo de Telemárketing milleiros de traballadores e traballadoras perderon o seu posto de traballo, 1.300 persoas en Galiza no último ano. (Descarga a foto en tamaño tapiz para o escritorio de Windows 1024x768 ou 1280x960).
 
Estamos asistindo a unha situación no sector do Telemárketing totalmente absurda: as empresas están despedindo a milleiros de persoas, na mesa negociadora piden que se faciliten aínda máis as posibilidades de despedir, e CCOO e UGT teñen adquirido o compromiso de non mobilizar ao sector.

Dende o inicio da negociación colectiva do Convenio Colectivo de Telemárketing milleiros de traballadores e traballadoras perderon o seu posto de traballo, 1.300 persoas en Galiza no último ano. Estes despedimentos foron froito da deslocalización, dos supostos fins de campaña ou pola suposta “baixada do volume de chamadas”.

A maior parte destes despedimentos son colectivos, pero as empresas, ao abeiro do artigo 17 do convenio, din que estamos ante casos individuais, polo que non debe ser aplicada a normativa que regula Expedientes de Regulación de Emprego que dá maiores garantías aos traballadores e traballadoras e fai precisa unha autorización da Autoridade Laboral.

Mentres isto sucede, continúa aberta a negociación do Convenio Colectivo Estatal na que as empresas propoñen reformas tendentes a facilitar aínda máis os despedimentos, ampliando o artigo 17.

En Galiza hai aberto un duro e longo conflito laboral contra este tipo de despedimentos na empresa Atento en A Coruña. Paros, mobilizacións, manifestacións, etc. O Comité de Empresa ten en marcha un novo calendario de mobilizacións ante os xuízos polos despedimentos. Hai que lembrar que este Comité fixo unha petición aos sindicatos para paralizar a negociación no sector, que só foi aceptada pola CIG.

O conflito continúa aberto, malia que CCOO e UGT asinaron en Madrid un acordo que daba por bos os despedimentos, e que non foi adiante polo rexeitamento do Comité de Empresa, das Asembleas de traballadores/as e dos afectados/as.

Semella que estes sindicatos asumiron o compromiso coa patronal de non mobilizar o sector a nivel estatal en tanto continúen abertas as negociacións paralelas por fóra da mesa de negociación do Convenio Colectivo. As empresas despiden a milleiros de persoas, apostan por facilitar aínda máis os despedimentos, pero certos sindicatos apostan por non mobilizar, cando non por desmobilizar, presentando como inevitable o proceso de deslocalización.

Nos vindeiros días a CIG convocará unha Asemblea do sector de Telemárketing para analizar a situación actual e decidir os pasos a dar.

Agora ben a nosa posición é clara apostamos por un cambio de marco: por un Convenio Galego de Telemárketing.


Galiza, 8 de xuño de 2007.

 
Descarga, imprime, difunde...
 
pdfConvenio colectivo afastado da realidade do sector

 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 09/06/2007
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta