|
Actualidade
Santiago, 29 de xuño de 2007
Aproban por unanimidade a iniciativa para
saber cal é a afectación real do trazado do TAV sobre a mina de Serrabal e o emprego
O Parlamento apoia a celebración dunha xuntanza entre Administración, Grupo Villar Mir e organizacións
sindicais
| |
 |
| Demándase, ao tempo, que as conclusións
desta xuntanza sexan trasladadas ao Parlamento galego para coñecer as garantías sobre os postos de
traballo e a afectación ao desenvolvemento dunha industria con importantes pespectivas de futuro como é
a industria solar. (Foto: Concentración
o 14 de marzo arredor do edificio administrativo da Xunta de Galiza en demanda dun cambio de trazado do TAV ao
seu paso por Vedra e Boqueixón que permita a continuidade da mina de Serrabal. ©galizacig.com). |
| |
Os grupos parlamentarios aprobaron, por unanimidade,
unha proposición non de lei, na que se insta á Xunta de Galiza a promover unha xuntanza entre a Administración,
o Grupo Villar Mir e as organizacións sindicais para que se recaben todos os datos necesarios para saber
cal é a afectación real do trazado do TAV sobre a mina de Serrabal e sobre o emprego.
A iniciativa reclama tamén que tanto a
Administración galega, (nomeadamente a Consellaría de Innovación e Industria) e a empresa
presenten os datos e informes cos que contan para saber cal é o grao de afectación do Tren de Alta
Velocidade sobre as reservas da mina e sobre o emprego e se se pon en perigo o proxecto de produción de
silicio solar. Algo que ademais poría en perigo os centros de traballo de Ferroatlántica en Cee e
Sabón.
Demándase, ao tempo, que as conclusións
desta xuntanza sexan trasladadas ao Parlamento galego para coñecer as garantías sobre os postos de
traballo e a afectación ao desenvolvemento dunha industria con importantes pespectivas de futuro como é
a industria solar.
|
