ActualidadeVolver a Actualidade


Santiago, 19 de xullo de 2007

O ministro non cre prudente que o plan social para a minería integre ao sector auxiliar
A CIG considera inadmisíbeis as declaracións de Clos que deslexitiman o acordo do Congreso para o carbón

 

CIG-Comunicación-

cig.prensa@galizacig.com


  Polo futuro e polo emprego das auxiliares do carbón; clic para aumentar
A CIG lembra que o peche das industrias auxiliares do carbón, previsto para finais deste ano –31 de decembro–, provocará a perda de preto de 500 postos de traballo para os que, a estas alturas e malia as reiteradas solicitudes realizadas, non están previstas nin alternativas nin solucións. (Foto: Manifestación en A Coruña dos traballadores das auxiliares do carbón. ©galizacig.com).
 
A única resposta que obtiveron os traballadores das empresas auxiliares do carbón do ministro de Industria, Juan Clos, tras da concentración celebrada o pasado mércores día 11 de xullo en Ferrol, foi que non lle parecía prudente integrar a este sector no plan social. Para a CIG estas declaracións, alén de constatar a discriminación de Galiza, supoñen o incumprimento do acordo acadado no Comisión de Industria no Congreso e as diferentes resolucións unánimes do Parlamento galego.

Nesa resolución, de 20 de marzo de 2007, instábase ao goberno a “manter criterios, en relación coas prexubilacións do persoal das compañías auxiliares pertencentes ás minas de lignito pardo, que permitan a súa incorporación ás empresas principias, sempre que reúnan os requisitos para a súa prexubilación ao amparo do Plan Carbón 2006-2012, e a través de acordos cos sindicatos”.

Para a CIG, o papel do ministro de Industria neste asunto está sendo “lamentábel” e as súas declaracións supoñen, non só o incumprimento dese acordo senón mesmo deslexitimar a decisión adoptada pola Comisión de Industria e deslexitimar á propia Comisión.

Paulo Carril, representante da CIG na Mesa das Auxiliares do Carbón e secretario comarcal da CIG de A Coruña, afirma que de cara a Galiza e de cara ao que ten significado para o noso país a presenza de dúas industrias como ENDESA e como FENOSA, “que teñen expoliado os nosos recursos naturais, que obtiveron beneficios millonarios na explotación deses recursos -cos que ademais se ten favorecido de forma importante o desenvolvemento económico do Estado español, mesmo en épocas de crise enerxética- resulta inadmisíbel que perante o seu peche inminente, non se queira asumir por parte do Ministerio ningún tipo de actuación que supere a discriminación que están a padecer os traballadores da industria auxiliar do carbón galego, fronte ao resto dos traballadores do Estado”.

A CIG lembra que o peche das industrias auxiliares do carbón, previsto para finais deste ano –31 de decembro–, provocará a perda de preto de 500 postos de traballo para os que, a estas alturas e malia as reiteradas solicitudes realizadas, non están previstas nin alternativas nin solucións.

A CIG reitera a súa exixencia de que tanto ENDESA e FENOSA, que foron contrarios a asinar o Acordo da Mesa Auxiliar do Carbón existente no ámbito da Consellaría de Innovación e Industria, como do Ministerio de Industria, encargado de levar adiante o Plan Miner II, asuman a súa responsabilidade nesta situación e garantan a súa prexubilación e recolocación destes traballadores nas empresas principais.

 
 
Informacións relacionadas
12/07/2007 Aproveitaron a visita á cidade do ministro de Industria, Turismo e Comercio
Traballadores das auxiliares do carbón e delegados da CIG demandan en Ferrol solucións polo peche das minas
28/06/2007 O presidente da Xunta amosa unha actitude submisa fronte ao Ministerio de Industria
Touriño demostra a súa falta de compromiso cos traballadores das auxiliares do carbón
14/06/2007 As dúas forzas políticas comprométense a emprender iniciativas na defensa do futuro laboral destes operarios
Os mineiros das auxiliares do carbón reúnense en Santiago co BNG e PP
20/04/2007 Celebrarase unha asemblea para fixar un novo calendario de mobilizacións
Os traballadores das auxiliares da minaría do carbón levan a Compostela as súas demandas
19/04/2007 As asembleas de traballadores son as convocantes dos paros e a CIG é a única central que os secunda
Os mineiros das auxiliares desmenten UGT e CCOO e sinalan que foron chamadas á folga
18/04/2007 Os traballadores de Meirama cortaron o tráfico ferroviario entre A Coruña e Santiago durante media hora
Os mineiros das auxiliares endurecerán as medidas de protesta
12/04/2007 A CIG esíxelle á Delegación do Goberno español que interceda ante a Comisión de Seguimento do Plan Miner II
Trescentos mineiros reclaman en A Coruña solucións para o persoal das auxiliares do carbón
11/04/2007 Haberá manifestación o día 11 de abril, que partirá ás 12 horas da praza da Palloza de A Coruña
Novo éxito da folga das auxiliares do carbón na segunda xornada de paro
29/03/2007 O paro foi total nas minas de Meirama e As Pontes
Seguimento do 100% da folga convocada pola CIG nas empresas auxiliares do carbón
23/03/2007 A CIG respaldou, desde o inicio, ás demandas dos traballadores
O Congreso aproba que os traballadores das auxiliares do carbón se beneficien das prexubilacións e recolocacións
14/03/2007 Os dereitos dos operarios das auxiliares seguen sen ser recoñecidos
A CIG apoia convocatoria a folga dos traballadores das minas de lignito de Meirama e As Pontes
29/01/2007 Lignitos de Meirama segue negándose a incorporar estes operarios ante o peche da mina de Cerceda o 31 de decembro de 2007
A CIG urxe á Comisión do Plano Miner II e a Limeisa unha solución global aos traballadores das auxiliares do carbón
04/10/2006 Máis de 500 persoas demandan alternativas para os traballadores das auxiliares de Meirama en Ordes
30/09/2006 Demandan solucións para os 220 despedimentos que provocará o peche da mina
Apoio masivo dos Comités de Empresa das auxiliares á manifestación convocada para o sábado en Ordes
26/09/2006 Os traballadores ratificaron en asemblea a convocatoria de manifestación para o día 30 en Ordes
Limeisa mantén o desinterese polos 220 despedimentos que provocará o peche da mina de Cerceda
20/09/2006 Convocan unha manifestación en Ordes o sábado 30 de setembro
Os traballadores das auxiliares de Meirama exixen que se efectivicen as prexubilacións e recolocacións
27/07/2006 Novas xornadas de folga na minaría do carbón de Cerceda e As Pontes
20/07/2006 A CIG considera un descrédito para CCOO e UGT, que non se sumaron á folga
Comezou a folga nas minas de carbón cun seguimento do 100%
14/07/2006 Hai un compromiso de acordo sen ratificar pola ausencia de Endesa na xuntanza e a mobilización se mantén
A CIG fai un chamamento a CCOO e UGT para que secunden a folga nas minas de Cerceda e As Pontes
12/07/2006 Desde as 23:00 horas do 19 de xullo até as 24:00 horas día 20, e desde as 23:00 horas do 25 de xullo ás 24:00 horas do 27
Anúnciase convocatoria de folga nas minas galegas do Carbón, Limeisa e Endesa e Auxiliares
16/05/2006 O BNG demanda no Parlamento de Galiza medidas para os traballadores das auxiliares do carbón
08/05/2006 Galiza discriminada no Plan do Carbón asinado por CCOO e UGT
10/03/2006 Só recibirá 135 dos 195 millóns que lle corresponderían tendo perdido xa 140 no período 1998-2005
A CIG considera que o reparto dos fondos do Plan do Carbón 2006-2012 discriminan a Galiza
26/01/2006 No período 1998-2005 tan só recibiu 64 dos 200 millóns que lle correspondían
Galiza discriminada no reparto de fondos mineiros
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 19/07/2007
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta