|
Actualidade CIG-Comunicación-
O pasado xoves 27 de setembro, reuníase a Executiva Comarcal da Federación da Construción e Madeira da CIG en Vigo para analizar a situación da Negociación Colectiva nos sectores integrados nesta Federación e para ultimar os preparativos da Folga da Construción que se inicia o próximo día 2 de outubro. Ese mesmo día remataban as asembleas convocadas en toda a provincia por mor da convocatoria da folga. Unhas asembleas nas que os traballadores manifestaron, de forma unánime, o seu apoio “fartos de padecer a degradación continua das condicións laborais a cambio duns salarios que a duras penas serven para atender as necesidades básicas das familias”, explican.
Na xuntanza da Executiva Comarcal da Federación constatouse que non só a Construción presenta problemas na Negociación Colectiva. Convenios importantes como o de Mármores e Pedras e Madeira atópanse paralizados ou con ritmos moi lentos ante a oposición da patronal a atender as reivindicacións sindicais. Por iso, nesa xuntanza concluíuse que “de non desbloquearse a situación nos próximos días, pode levarnos á convocatoria de inminentes mobilizacións”. Tamén están se pechar outros convenios como os de Derivados do Cemento e o que se inicia este ano e no que se inclúen as Industrias Extractivas. Diante deste panorama, a Executiva da FCM-CIG valorou a situación como “moi crítica” e acordou que, de non conseguir avances significativos na marcha da negociación, nos próximos días poderían propor aos traballadores e ao resto dos sindicatos iniciar mobilizacións nestes outros ámbitos. A Federación advirte que isto “podería desembocar nunha forte conflitividade na provincia ao coincidir conflitos que afectan a preto de 60.000 traballadores”. / Paula Castro. |
|||||||||||||||||||||||||||
Informacións relacionadas
|
|||||||||||||||||||||||||||
|
|||||||||||||||||||||||||||
|
ÚLTIMA REVISIÓN: 29/09/2007 |
|||||||||||||||||||||||||||
|
