|
Actualidade CIG-Comunicación-
“Os Centros Especiais de Emprego non poden ser unha modalidade de emprego subvencionado e en precario”, subliñou na clausura da Xornada de Expertos o secretario xeral da CIG, Suso Seixo. O máximo responsábel da central incidiu na necesidade de que estes espazos sirvan para a inserción laboral das persoas discapacitadas e para a súa equiparación en dereitos co resto dos traballadores. Seixo recoñeceu no seu discurso o traballo realizado polo Gabinete Técnico de Saúde Laboral da CIG por ter organizado as presentes xornadas e pola elaboración da “Guía de Boas Prácticas para a Prevención de Riscos Laborais nos Centros Especiais de Emprego”. O secretario xeral tamén agradeceu a presenza dos representantes das entidades convidadas. “Ser traballador discapacitado non significa ser man de obra barata” apuntou o secretario confederal de Negociación Colectiva e Saúde Laboral da CIG, Antolín Alcántara, durante a súa intervención na primeira xornada. Apostou por incentivar a inserción laboral das persoas discapacitadas aumentando as porcentaxes que por lei teñen reservadas estes traballadores nas empresas. Alcántara tamén se referiu á negociación colectiva como unha boa ferramenta para fomentar o acceso ao mercado laboral destas persoas. FEAPS de Valladolid expuxo no Encontro o proxecto “Adalid”, unha guía de seguridade, hixiene e ergonomía destinada aos traballadores con discapacidade para que aprendan a recoñecer os riscos laborais nas súas actividades diarias. O Instituto de Biomecánica de Valencia explicou o “Método Ergo-dis”, que avalía os riscos ergonómicos no traballo dos empregados con discapacidade. Nas dúas xornadas tamén estiveron presentes representantes da Fundación para la Prevención de Riesgos Laborales e da Consellaría de Traballo. |
||||||||||||||
Informacións relacionadas
|
||||||||||||||
|
||||||||||||||
|
ÚLTIMA REVISIÓN: 27/09/2007 |
||||||||||||||
|
