|
Actualidade
A Coruña, 13 de setembro de 2007
Setex Aparki readmite o traballador despedido
Desconvocada a folga no servizo municipal de guindastre de Vigo
| |
 |
| O traballador do servizo municipal de guindastre
do Concello de Vigo que fora despedido pola concesionaria, Setex Aparki, foi readmitido pola empresa logo dunha
mediación na Inspección de Traballo. |
| |
O traballador do servizo municipal de guindastre
do Concello de Vigo que fora despedido pola concesionaria, Setex Aparki, foi readmitido pola empresa logo dunha
mediación na Inspección de Traballo que se estendeu durante catro horas. Por tanto, o cadro de persoal
desconvocou a folga que tiña previsto iniciarse a partir das 00:00 do 17 de setembro.
A mediación que desembocou na readmisión
do empregado despedido prolongouse desde as 10:00 até as 14:00 horas do 12 de setembro. A postura dos traballadores
foi inamovíbel en todo momento e advertiron a empresa que sen readmisión non habería acordo
posíbel. Finalmente a Setex Aparki non lle ficou máis remedio que acceder á demanda do cadro
de persoal.
|
