Actualidade A Coruña, 28 de setembro de 2007 María José Rubio aínda non os recibiu desde que tomou posesión do seu cargo hai dous anos Os empregados da Sanidade privada considéranse discriminados pola conselleira   CIG-Comunicación- cig.prensa@galizacig.com   “Considerámonos discriminados pois desde o comezo da xestión da conselleira vimos reclamándolle que nos recibise para transmitirlle a situación de precariedade que padecemos desde hai moitos anos”, indica Milton Pérez (segundo pola esquerda), da CIG-Saúde. (Foto: Concentración de traballadores/as da Sanidade privada diante da Confederación de Empresarios de A Coruña o 20 de decembro de 2006. ©galizacig.com).   Os traballadores da Sanidade privada da provincia de A Coruña séntense discriminados pola conselleira de Sanidade, María José Rubio, pois aínda non os recibiu nin atendeu as súas reclamacións nos dous anos que leva no cargo. “Considerámonos discriminados pois desde o comezo da xestión da conselleira vimos reclamándolle que nos recibise para transmitirlle a situación de precariedade que padecemos desde hai moitos anos”, indica Milton Pérez, da CIG-Saúde. María José Rubio, que inaugurou instalacións no Instituto Médico Quirúrgico San Rafael o 27 de setembro, recibira hai dous anos, noutra visita a este hospital privado coruñés, unha carta dos representantes dos traballadores do sector pola CIG, UGT e CCOO onde lle expresaban o seus problemas, as dificultades para negociar o convenio e lle pregaban que lles concedese unha entrevista. “Lamentabelmente nin a esta nin a outras cartas nos respondeu”, manifesta o representante da CIG-Saúde. Ante a nova visita ao IMQ San Rafael e outras que vén realizando aos distintos centros privados da provincia, a CIG-Saúde pídelle á conselleira que teña a mesma consideración cos traballadores dos hospitais privados que ten cos empresarios do sector. María José Rubio non pode ignorar a perda de poder adquisitivo e a precariedade que están a sufrir estes empregados derivadas da paralización desde comezos de ano da negociación do convenio colectivo provincial da Sanidade privada. A conselleira tampouco pode esquecer que máis da metade dos centros médicos privados da provincia manteñen concertos económicos co SERGAS. Polo tanto, a Consellaría de Sanidade non pode ser cómplice da precariedade e das malas condicións laborais existentes no sector.

Informacións relacionadas 21/12/2006 Os empresarios ignoran os compromisos adquiridos coa parte social e non participan nas mesas de negociación CIG-Saúde urxe á patronal a negociar o convenio de 2007 da Sanidade privada de A Coruña 07/12/2006 CIG-Saúde denuncia o incumprimento do acordo de negociación do convenio da Sanidade privada

Confederación Intersindical Galega www.galizacig.com ÚLTIMA REVISIÓN: 28/09/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta